Ehumbɔbɔr, Mbɔbɔrhu Hwɛ Adom; Fakyɛ; Jesus Christ; Pɛrpɛrdzi; Werdam, Werdambɔ iyi so Ayamuhyehye, tsema na fakyɛ sunsum. Ehumbɔbɔr yɛ Nyame No su mu kor. Jesus Christ nam No werdam afɔrbɔ no do hu hɛn mbɔbɔr. Ewuradze yɛ mbɔbɔrhufo na n’adom dɔɔ sõ, Ex. 34:6 (Deut. 4:31). N’ehumbɔbɔr tsim hɔ daa, 1 Mber. 16:34. Yie na ehumbɔbɔr bɛkã mo do, Ndw. 23:6. Nyia ohu ohianyi mbɔbɔr no dzi dɛw, Mbɛ. 14:21. Morohwehwɛ ehumbɔbɔr na nnyɛ afɔrbɔ, Hosea 6:6. Nhyira akã mbɔbɔrhufo: na hɔn na wobohu hɔn mbɔbɔr, Matt. 5:7 (3 Ne. 12:7). Ndabrabafo hom ndue, hom tua ebupɛn du ma na hom egyaa mbra no mu dza ɔyɛ dur no, atsɛmbu, ehumbɔbɔr, na gyedzi, Matt. 23:23. Dɛm ntsi hom nyɛ mbɔbɔrhufo, dɛ mbrɛ hom Egya so yɛ mbɔbɔrhufo no, Luke 6:36. Ommfi hɛn tseneneeyɛ ndwuma do, mbom ɔnam n’ehumbɔbɔr do na ɔagye hɛn nkwa, Titus 3:5. Ewuradze n’ehumbɔbɔr wɔ hɔ ma obiara, 1 Ne. 1:20. Ehumbɔbɔr nnyi hɔ mma nyia onnu noho no, Mosiah 2:38–39. Nyankopɔn hu hɔn a wɔgye ne dzin dzi no mbɔbɔr, Alma 32:22. Ehumbɔbɔr botum apata pɛrpɛrdzi, Alma 34:16. Ana isusu dɛ ehumbɔbɔr botum ewia pɛrpɛrdzi, Alma 42:25 (Alma 42:13–25). Mbofraba wɔ nkwa wɔ Christ mu osian n’ehumbɔbɔr ntsi, Moro. 8:19–20 (N&A 29:46). Jesus Christ n’ehumbɔbɔr abasa abɔ werdam dze ama hɛn bɔn, N&A 29:1. Osian bɔgya a mikyii no ntsi, maserɛ ama Egya no dze ama hɔn a wɔgye me dzin dzi no, N&A 38:4. Hɔn a woesie ahyɛmudzi no na wobohu hɔn mbɔbɔr, N&A 54:6. Emi, Ewuradze, medze bɔn kyɛ, na meyɛ mbɔbɔrhufo ma hɔn a wɔdze akoma a abotow paa mu kã hɔn bɔn, N&A 61:2. Emi, Ewuradze, muhu abɔbɔfo mbɔbɔr, N&A 97:2. Na nyia ɔgye wo dɛ abofraba no gye m’ahenman, na wobohu hɔn mbɔbɔr, N&A 99:3. Ehumbɔbɔr bedzi w’enyim, Moses 7:31.