Sunsum
Nyimpa tseasefo ne fã bi a ɔtse ase ansaana wɔrobɔwo no aba ɔnnkyebo asetsena mu, ɔtse nyimpadua mu ber a ɔtse ase yi, na ɔno ara ɔtse n’ase wɔ owu ekyir dɛ abɔdze kesi Owusoɛr no. Ndzɛmba nyina a wogu ahom—adasa, mbowa, na ndua—nna wɔyɛ esunsum ansaana biribiara reba asaase do (Gen. 2:4–5; Moses 3:4–7). Sunsum no su tse dɛ nyimpadua su (1 Ne. 11:11; Ether 3:15–16; N&A 77:2; 129). Sunsum yɛ abɔdze-dze, mbom ɔyɛ mehemehe mbrodo anaadɛ no ho tsew kyɛn ɔnnkyebo asetsena mu adze biara a ɔtse ase anaa abɔdze-dze (N&A 131:7).
Nyimpa biara yɛ Nyankopɔn ne babanyin anaa ne babaa ankasa, Ɔsor Awofo awo no dɛ sunsum ansaana asaase do honam mu awofo bɔwo no, (Heb. 12:9). Nyimpa kor biara a ɔwɔ asaase do wɔ bɛkyebo sunsum nyimpadua dze kã honam na mbiew nyimpadua no ho. Dɛ mbrɛ ɔtɔ mber bi a wɔkyerɛkyerɛ mu wɔ kyerɛwsɛm mu dɛ, sunsum na nyimpadua no na wɔbɔ mu yɛ ɔkra no, (Gen. 2:7; N&A 88:15; Moses 3:7, 9, 19; Abr. 5:7). Sunsum tum tsena ase a onnyi honam nyimpadua, mbom nyimpadua runtum nntsena ase a onnyi sunsum (James 2:26). Nyimpadua mu owu nye dɛ sunsum no atwe noho efi nyimpadua no mu. Owusoɛr no mu, sunsum nye honam na mbiew nyimpadua kor no ara a ɔwɔ no asaase do no bɛkã abɔ mu, a ɔwɔ nsosonee etsitsir ebien: hɔn mu renntsetsew bio ara da, na nyimpadua no bɛyɛ bɛkyebo na oedzi mu (Alma 11:45; N&A 138:16–17).