Ahotsew Hwɛ Bemdzi, Dzi Bem; Jesus Christ; Werdam, Werdambɔ iyi so Kwan a wɔnam do nya fahodzi fi bɔn mu, wansawansa, ahostew, na krɔnkrɔnyɛ a wɔnam Jesus Christ No Werdambɔ do nya (Moses 6:59–60). Nyankopɔn nam Sunsum ahosan mu apa mu eyi hom akɔ nkwagye mu, 2 Thes. 2:13. Wɔnam Jesus Christ ne nyimpadua a ɔdze bɔɔ afɔr do atsew hɛnho, Heb. 10:10. Jesus hun amandze ama ɔdze no bɔgyaa atsew nkorɔfo hɔnho, Heb. 13:12. Wɔtseew asɔfompanyimfo no hɔnho na wɔhoor hɔn ntar wɔ Eguambaa no bɔgyaa no mu ma ɔyɛɛ fitaa, Alma 13:10–12. Hɔn a wogyaa hɔn akoma mu maa Nyankopɔn no wonya ahosan, Hel. 3:33–35. Hom nnu homho ama wɔnam Sunsum Krɔnkrɔn a hom enya no do atsew homho, 3 Ne. 27:20. Ahosan a ɔnam Jesus Christ n’adom do no tsen na ɔyɛ nokwar, N&A 20:31. Jesus bae dɛ ɔrebɛtsew wiadze ho, N&A 76:41. Hom ntsew homho ama hom adwen aayɛ kor dze ama Nyame, N&A 88:68.