Thessalonicafo, Nwoma dze ma
Ahyɛmu Fofor no mu nwoma ebien. Nna wɔyɛ nkrataa bi a Paul kyerɛwee dze kɛmaa Thessalonicafo ber a nna ɔwɔ Corinth no, ne ber a odzi kan a ɔkɔree kɛseraa Aborɔkyir bɛyɛ mfe 50 Wɔwoo Christ Ekyir no. No dwuma a odzii wɔ Thessalonica no wɔakyerɛw wɔ Ndwuma 17. Paul pɛɛ dɛ ɔsan kɔ Thessalonica na mbom oenntum annyɛ no dɛm (1 Thes. 2:18). Dɛm ntsi ɔsomaa Timothy dɛ ɔnkɔ nkɛhyɛ hɔn a wɔasakyer no nkuran na ɔmbɛkã dza wɔrɛyɛ nkyerɛ no. Paul kyerɛɛw nwoma a odzi kan no ber a Timothy saan n’ekyir bae no dze kyerɛɛ ne ndaase.
Thessalonicafo nwoma a odzi kan
Etsir 1–2 no yɛ Paul ne nkyia na ne mpaabɔ a ɔdze ma Ahotseweefo no; etsir 3–5 no ɔkyerɛkyerɛ hɔn sunsum mu nyinii, ɔdɔ, ahosie, mbɔdzembɔ, na Jesus Christ ne Mbae a Otsĩa Ebien no.
Thessalonicafo nwoma a otsĩa ebien
Tsir 1 no Paul bɔ mpaa ma Ahotseweefo no. Tsir 2 no kã gyedzi ho asehwe a ɔreba no ho asɛm. Tsir 3 no yɛ Paul ne mpaa a ɔbɔe dze maa asɛmpakã edwuma no no nkonyimdzi.