Nauvoo, Illinois (USA)

Kurow bi a Nda a Odzi Ekyir Ahotseweefo kyerkyeree wɔ 1839 wɔ Illinois ɔman mu. Ɔda Esutsen Mississippi nkyɛn, ofi St. Louis kɔ hɔ yɛ bɛyɛ aborɔfo 200 (kilomita 320).

Ɔnam atseetsee a osii Missouri ɔman mu no ntsi, Ahotseweefo no fii hɔ kɛtsenaa akwansin bɛyɛ 200 wɔ etsifi-boka afamu wɔ Esutsen Mississippi ekyir, na wɔkɔr Illinois, hɔ na asetsena bɛyɛɛ ahomka maa hɔn. Ekyir no Ahotseweefo no tɔɔ asaaseber bi a ɔbɛn Commerce kuropɔn a hɔ mmbuei no. Nna wɔkyerɛ dɛ dɛm asaase no yɛ sar na nsu taataa do na adan kakraabi na ɔwɔ hɔ. Ahotseweefo no kyerɛɛ nsu no kwan na wosisii adan wɔ do. Joseph Smith nye n’ebusua kɔree kɛtsenaa ndua-dan kakraba bi mu. Wɔsesaa kuropɔn no ne dzin Commerce no ma ɔbɛyɛɛ Nauvoo, a Hebrew kasa mu no ne nkyerɛase nye “fɛɛfɛw.”

Nkyerɛkyerɛ na Ahyɛmudzi no mu nsɛm pii wɔ hɔ a wɔkyerɛwee wɔ Nauvoo (N&A 124–129; 132; 135). Wɔkãe kyerɛɛ Ahotseweefo no dɛ wonsi temple wɔ Nauvoo (N&A 124:26–27). Wosii temple no na wɔkyekyeer stake horow wɔ Zion ansaana wɔrepam hɔn efi hɔn efi mu wɔ 1846. Ɔnam dɛm atseetsee no ntsi, Ahotseweefo no fii bea no do kɔr anee afamu.