Satan n’akadofo no a wɔnye no bohu amandze wɔ onnyiewiei mu no. Ɔsɛɛ mbabanyin nye (1) hɔn a wɔkãa Satan do na wɔtoow hɔn fii sor kyenee osiandɛ wɔtseew etua ansaana yɛrebɛba asaase do na (2) hɔn a wɔmaa kwan ma wɔwoo hɔn too asaase yi do ma wonyaa nyimpadua na mbom nkyii wɔsoom Satan na wotsiaa Nyankopɔn koraa no. Hɔn a wɔwɔ kuw a otsĩa ebien yi mu no wobenyan hɔn efi owu mu na mbom wɔrommpon hɔn mmfi owu (sunsum) a otsĩa ebien no mu na wonnkotum atsena enyimnyam ahenman no mu (N&A 88:32, 35).