Bota a Ɔsom Bo Mapã

Sor ahenman no a ɔwɔ asaase do no, tse dɛ “bota a ɔsom bo mapã” (Matt. 13:45–46).

Bota a Ɔsom Bo Mapa so yɛ dzin a wɔdze frɛ kyerɛwsɛm nwoma anan no mu kor a wɔfrɛ no Jesus Christ N’Asɔr a ɔwɔ hɔ ma Nda a Odzi Ekyir Ahotseweefo no ne “kyerɛwsɛm gyinapɛn” no. Bota a Ɔsom Bo Mapa a odzi kan no wotsintsiim no 1851 na nsɛm a ɔwɔ Nkyerɛkyerɛ na Ahyɛmudzi mu seseiara mu bi na ɔwɔ mu. Nwoma no dza woetsintsim fitsi 1902 no nye (1) Genesis a Joseph Smith kyerɛɛ ase no no mu nsɛm a oyiyii fii mu, wɔfrɛɛ no Moses nwoma, na Matthew 24, wɔfrɛɛ no Joseph Smith—Matthew; (2) nsɛm bi a Joseph Smith kyerɛɛ ase fii Egyptfo papyrus mu a ne nsa kãa no 1835, wɔfrɛɛ no Abraham nwoma; (3) nsɛm bi a Joseph Smith yiyii fii Asɔr no ho abakɔsɛm nwoma no mu na ɔkyerɛɛw no 1838, wɔfrɛɛ no Joseph Smith—Abakɔsɛm; na (4) Gyedzi ho Nsɛmpɔw, gyedzi ho nsɛm duebaasa na nkyerɛkyerɛ.