Ahoɔdzen a inya dze yɛ biribi. Inya tum wɔ obi anaa biribi do no kyerɛ dɛ inya ahoɔdzen dze hwɛ anaa edze hyɛ nyimpa anaa adze do. Kyerɛwsɛm mu no, aber nyina wɔ dze tum bata Nyankopɔn no tum anaa ɔsor tum ho. Aber nyina adze a ɔbata ho kɛse nye asɔfodzi tumdzi, dza ɔyɛ kwan a obi wɔ anaa dɛ ogyina hɔ dzi dwuma ma Nyankopɔn no.
Iyi ntsi na mama egyina hɔ, dɛ mebɛkyerɛ wo mo tum, Ex. 9:16 .
Nyankopɔn nye m’akoban dzendzen, 2 Sam. 22:33 .
Mma mmfa yieyɛ nnkam nyia odzi wɔ no ber a ɔwɔ wo nsamu dɛ ibotum yɛ no, Mbɛ. 3:27 .
Emidze, tum nam Ewuradze no sunsum do ahyɛ me mã ara ampa, Micah 3:8 .
Wɔdze sor nye asaase do tum nyina ama me, Matt. 28:18 .
Ne nkyerɛkyerɛ yɛɛ hɔn ahobow, osiandɛ n’asɛm dze tum nam, Luke 4:32 .
Hom ntsena kurow no mu nkodu dɛ wobefi sor ahyɛ hom ahoɔdzen, Luke 24:49 .
Dodow a wɔgyee no no, ɔmaa hɔn tum dɛ wɔnyɛ Nyankopɔn mba, John 1:12 (N&A 11:30 ).
Sunsum Krɔnkrɔn no nya ba hom do a, hom benya ahoɔdzen, Ndwu. 1:8 .
Tum biara nnyi hɔ dɛ dza ofir Nyankopɔn, Rom. 13:1 .
Wɔnam Nyankopɔn no tum do roweɔn hom akɔ nkwagye a woesiesie no mu, 1 Pet. 1:3–5 .
Nyimpa botum enya tum a wɔdze yɛ ndwuma akɛse, na sɛ ɔdze hyehyɛ noho a ɔbɔhwe ase, N&A 3:4 .
Tum a wɔdze yɛ papa no wɔ nyimpa biara no mu, N&A 58:27–28 .
Melchizedek Asɔfodzi ayɛdze no mu na nyamesu mu tum no da edzi, N&A 84:19–22 .
Wɔdze ndzeyɛɛ a ɔwɔ asɔfodzi no ho abata ɔsor tum no ho, N&A 121:34–46 .