Ntamadan

Ewuradze fie, Israelfo hɔn som ne farbaa ber a Wofii Egypt. Ntamadan no yɛ temple a wɔsoa na wotum tutu na wɔsan hyehyɛ. Israelmba no dzii dwuma wɔ ntamadan no mu kɛpeem dɛ wosii Solomon ne temple no (N&A 124:38).

Nyankopɔn yii ntamadan no ne su kyerɛɛ Moses (Ex. 26–27), na Israelmba sii no dɛ mbrɛ no su no tse (Ex. 35–40). Ber a wowiee ntamadan no si no, mununkum bɛkataa ehyiadzibuw no do, na Ewuradze n’enyimnyam bɛhyɛɛ ntamadan no mã (Ex. 40:33–34). Mununkum no kyerɛɛ dɛ Nyankopɔn wɔ hɔ. Adzesa a, ne hwɛbea tse dɛ ogya. Sɛ mununkum no tsena ehyiadzibuw no do a, nna Israelmba no atsena hɔn asese mu. Sɛ ɔma no ho do tu a, nna hɔn so wɔnye no etu kɔ (Ex. 40:36–38; Nka. 9:17–18). Israelmba soaa ntamadan no wɔ hɔn akwantu nyina mu wɔ sar no do nna hɔn konyimdzi mu wɔ Canaan asaase do. Konyimdzi ekyir no, wɔdze ntamadan no kesii Shiloh, bea a Ewuradze kyerɛɛ hɔn no (Josh. 18:1). Ber a Israelmba sii Solomon ne temple wiee ekyir no, ɔyewee koraa wɔ abakɔsɛm mu.

Ewuradze na Isaiah dze ntamadan no yɛɛ ngyinahɔmadze dze kyerɛɛ Zion na Jerusalem nkuropɔn wɔ Ewuradze Ne Mbae a Otsĩa Ebien no mu (Isa. 33:20; Moses 7:62).