Usa Lang ka Sinsilyo
“Bisan tuod mora og gamay ang akong ikapulo, kini nagpakita sa akong hugot nga pagtuo ug pasalamat kaniya, ang Ginoo sa tanan” (“I Want to Give the Lord My Tenth,” Children’s Songbook, 150).
-
Si Daniel mitutok sa sinsilyo diha sa iyang tokador. Siya nangita niini sulod na sa pipila ka minuto. Kini dili dako og kantidad.
Daniel, andam ka na ba nga mosimba?
Oo, Pa. Anaa nako.
-
Gibutang ni Daniel ang sinsilyo sa iyang bulsa ug midagan aron sa pag-apas kanila.
-
Sa dihang si Daniel ug ang iyang pamilya miabut sa simbahan, mikuha siya og tithing slip ug sobre sa gawas sa opisina sa bishop.
Pa, mahimo bang imo kong tabangan sa pagsulat niini?
Siyempre.
-
Pila man ang ikapulo nga imong ibayad karon?
Dili kaayo dako. Kini lang.
Daniel, kini ba 10 porsyento sa kwarta nga imong kinita?
Oo.
Nan sakto gyud ni.
-
Gisilyo ni Daniel ang sobre ug mihatag sa ikapulo ngadto sa bishop. Ang bishop nakiglamano kaniya. Si Daniel naghunahuna kon ang bishop makiglamano pa ba gihapon kon siya masayud nga adunay usa lang ka sinsilyo sa sobre.
-
Mapasigarbuhon ko kanimo, Daniel. Ang pagbayad sa ikapulo usa ka maayo nga pagpili.
Nasayud ko, Pa, apan kadto usa lang ka sinsilyo.
-
Dili ka makahibalo kon unsa ang mahimo nianang usa ka sinsilyo. Tingali kini makabayad sa pagprinta og usa ka pahina sa Basahon ni Mormon, o tingali kini makatabang sa pagbayad sa usa sa mga bato nga gigamit sa pagtukod og templo.
-
Si Daniel wala maghunahuna sa ikapulo sa ingon niana nga paagi sukad pa. Siya nagsugod sa paghunahuna sa tanang mga paagi nga ang iyang ikapulo makatabang sa uban.
Tingali sakto ka, Pa. Malipayon ko nga makabayad sa ikapulo—bisan kon kini usa lang ka sinsilyo.