“Usa ka Lig-on nga Pioneer, Daghang mga Henerasyon ang Napanalanginan,” pahina 16: Samtang inyong ipakigbahin kini nga artikulo uban sa inyong pamilya, hunahunaa ang paghisgot kon sa unsa nga paagi nga ang ehemplo ni Sara nakaimpluwensya sa iyang amahan. Hisguti kon sa unsa nga paagi nga ang inyong ehemplo makaimpluwensya niadtong anaa sa inyong palibut alang sa maayo o alang sa dautan. Paghimo og tumong nga mahimong “lig-on nga pioneer” kada adlaw.

“Iyaha Ba Gyud Kong Gisugo Niana?” pahina 42: Samtang nagribyu sa artikulo, ilha ug itandi ang mga kabalaka nga gibati sa mga miyembro sa Simbahan mahitungod sa ilang mga calling. Basaha ang kinutlo ni Presidente Monson ug dayon hisguti ang mga paagi sa pagpangayo sa tabang sa Langitnong Amahan sa pagtuman sa inyong mga responsibilidad. Hunahunaa ang pagribyu sa mga kapanguhaan nga nalista ubos sa “Pagdawat og Tabang gikan sa Ubang mga Tinubdan.”

“Mao Lamang Ang Tinuod ug Buhi nga Simbahan,” pahina 48: I-konsiderar ang paglista sa tulo ka bahin nga nakapahimo sa Ang Simbahan ni Jesukristo sa mga Santos sa Ulahing mga Adlaw nga mao lamang ang tinuod ug buhi nga Simbahan dinhi sa yuta ni Elder Oaks. Hisguti ang kada bahin ug sa unsa nga paagi nga kini nakapanalangin sa inyong pamillya. Mahimong ninyong i-role play kon sa unsa nga paagi ang inyong pamilya makapamatuod niini nga mga bahin ngadto sa laing mga tinuohan.

“Mga Repleksyon,” pahina 60: Human ninyo mabassa ang artikulo pagdungan, patan-awa ang miyembro sa pamilya sa salamin ug pasultia kon unsay iyang nakita. Tabangi ang kada tawo nga makaamgo nga siya nagtan-aw sa usa ka anak sa Langitnong Amahan. Mahimo kang mohisgot ug mopamatuod kon unsa ka dako sa Iyang gugma sa kada usa nato ug unsa ka importante ang pagbutang sa atong pagsalig diha Kaniya. Mahimo ninyong basahon pagdungan ang Salmo 56:4 ug 1 Mga Taga-Corinto 2:9.