Pagpakigbahin sa Akong Pagpamatuod pinaagi sa Musika

Bisan og nagdako ko sa Simbahan, nahimo kong dili kaayo aktibo sa dihang nag-edad ko og 18. Sa kaulahian, sa dihang mibalhin ko gikan sa silangang Germany ngadto sa Frankfurt, gidapit ko nga mopuyo sa usa ka pamilya nga miyembro. Nasayud ko nga kini oportunidad alang kanako nga magsugod og bag-o ug mahimong aktibo sa Simbahan pag-usab.

Wala madugay human sa pagbalhin ngadto sa Frankfurt, gitawag ko isip sakop sa presidency sa center sa among dapit alang sa mga young adult. Ang calling naglakip sa pagtabang sa pagdumala sa mga klase sa institute, mga family home evening, ug uban nga mga kalihokan. Nagkinahanglan kini og dakong trabaho, apan angay ra usab kini tungod kay ang center usa ka dakong panalangin ngadto sa mga young adult niana nga dapit.

Tungod niini nga calling, ako nakakat-on ug nakaapil sa choir sa young single adult. Ang choir nag-konsyerto didto sa Poland ug sa Czech Republic. Nindot kaayo kadto nga kasinatian, ug ganahan ko nga nakabaton og oportunidad sa pagpakigbahin sa akong pagpamatuod pinaagi sa musika. Gani mas malipayon ako sa dihang nakadawat ko og e-mail pipila ka semana ang milabay nga nagsulti kanako nga adunay usa ka tawo nga mipasakop sa Simbahan isip resulta sa usa sa among mga konsyerto.

Samtang nagbuhat ko aron sa pagtuman sa akong calling, nakatabang ko sa paglig-on sa mga pagpamatuod sa uban, ug ang akong kaugalingong pagpamatuod sa ebanghelyo nalig-on usab.