Katumanan pinaagi sa Akong Calling

Isip usa ka single adult, akong nakaplagan nga makatabang ko sa akong ward ug nakakaplag og katumanan samtang nagserbisyo ko sa lainlaing mga calling sa Simbahan.

Sa pagkakaron nagserbisyo ko isip second counselor sa Young Men presidency. Ang pagkaanaa sa organisasyon sa Young Men nakahatag kanako og oportunidad nga makig-uban sa mga deacon sa pagpangolekta og mga halad sa puasa, pakighimamat sa mga miyembro sa ward nga dili kaayo aktibo, ug pagtambong sa mga komperensya sa mga kabatan-onan ug mga kalihokan sa Mutual. Nalingaw usab ako sa pag-adto sa templo kauban ang mga kabatan-onan aron sa pagpahigayon og mga bunyag alang sa mga patay. Samtang nagserbisyo niini nga calling, naningkamot ko og maayo sa pagtabang sa batan-ong mga lalaki nga motubo sa pagkahingkod nga lalaki pinaagi sa pagpakita nga ako nahigugma ug nagdayeg kanila. Kini nga mga kasinatian nakatabang kanako nga molambo sa espirituhanong paagi ug nahimong panalangin sa akong kinabuhi.