Unsa ang akong makat-unan gikan sa mga kasulatan?

“Ang labing katuyoan sa tanang kasulatan mao ang pagbusog sa atong mga kalag uban sa hugot nga pagtuo diha sa Dios nga Amahan ug sa Iyang Anak, si Jesukristo.

Ang mga kasulatan mopalapad sa atong panumduman pinaagi sa pagtabang kanato nga kanunayng mahinumdom sa Ginoo ug sa atong relasyon ngadto Kaniya ug sa Amahan. Kini nagpahinumdom kanato kon unsa ang atong nasayran sa atong kinabuhi sa wala pa dinhi sa yuta.

Ang mga asoy sa kasulatan mahitungod sa hugot nga pagtuo sa uban makalig-on kanato.

Ang mga pulong sa mga propeta, diin gitawag kini sa Ginoo og kasulatan, moabut kanato hapit kanunay pinaagi sa telebisyon, radyo, Internet, satellite, CD, DVD, ug sa inimprinta. Sa tinud-anay uban niini nga panalangin ang Ginoo nagsulti kanato nga ang atong panginahanglan alang sa mga kasulatan mas labaw pa ka dako sukad-sukad.

Ang mga kasulatan nagtudlo kanato sa mga baruganan ug mga mithi sa moral. Diha sa kasulatan, kita makakaplag og klarong mga paghulagway sa mga panalangin nga moabut gikan sa pagpasidungog sa tinuod nga mga baruganan.