Ang Kasaysayan sa Simbahan sa tibuok Kalibutan
South Korea
Ang unang misyonaryo nga buhat sa Korea nagsugod sa panahon sa Gubat sa Korea niadtong sayo sa mga 1950, apan si Kim Ho Jik, usa sa unang mga kinabig nga Koreano, nabunyagan sa Estados Unidos. Si Kim nag-eskwela sa iyang doctorate degree sa dihang nagpamiyembro siya sa Simbahan didto sa Pennsylvania niadtong 1951. Duha sa iyang mga anak mao ang una sa upat ka mga tawo nga nabunyagan sa Korea, niadtong Agosto 3, 1952. Sa wala madugay si Brother Kim nahimong lider sa gobyerno sa Korea ug nahimong impluwensyal sa pagtabang sa mga misyonaryo nga makasulod sa South Korea.
Niadtong 1962 ang Korean Mission namugna, ug ang Basahon ni Mormon naimprinta sa pinulongan nga Korean niadtong 1967. Ang unang stake sa South Korea, mao usab ang unang stake sa mainland Asia, naorganisar sa Seoul niadtong Marso 8, 1973. Ang Templo sa Seoul Korea, ang unang templo sa mainland Asia, gipahinungod niadtong 1985.
Niadtong 2001 si Elder Dallin H. Oaks sa Korum sa Napulog Duha ka mga Apostoles mipresentar og kopya sa “Ang Pamilya: Usa ka Pamahayag ngadto sa Kalibutan” ngadto sa prime minister sa South Korea, si Lee Han-Dong.
Ang Simbahan sa South Korea | |
---|---|
Mga Miyembro |
81,251 |
Mga Misyon |
3 |
Mga stake |
17 |
Mga Ward ug mga Branch |
142 |
Mga Templo |
1 |