Ang Simbahan Miusab sa mga Utlanan sa Misyon

Aron mas mahan-ay ang mga kapanguhaan sa nagkausab nga mga panginahanglan, ang Simbahan mitukod og lima ka bag-o nga mga misyon ug gitipon ang ubang mga magkasilingan nga mga misyon sa 2011. Ang gidaghanon sa misyon sa tibuok kalibutan kay 340.

Ang Simbahan mitukod sa mosunod nga mga misyon:

Ang Benin Cotonou Mission—naglangkob sa Benin ug Togo—gitukod gikan sa kabahin sa kanhi Ivory Coast Abidjan Mission.

Ang Mexico Mexico City Southeast Mission nagagikan sa pagkausab sa Mexico Mexico City East, Mexico Mexico City Northwest, ug sa Mexico Mexico City South Missions.

Ang Peru Chiclayo Mission nagagikan sa Peru Piura ug Peru Trujillo Missions.

Pagkabahin sa Philippines Manila ug Philippines Quezon City Missions nahimo ang Philippines Quezon City North Mission.

Ang Zambia Lusaka Mission gibahin gikan sa Zimbabwe Harare Mission ug maglakip sa nasud Malawi.

Ang mosunod nga mga misyon gihiusa.

Ang Canada Toronto East ug Canada Toronto West giusa aron mahimong Canada Toronto Mission.

Ang Connecticut Hartford Mission gikuha sa Massachusetts Boston Mission.

Ang Florida Jacksonville, Florida Tallahassee, Georgia Atlanta, ug South Carolina Columbia Missions giusab aron ang kada usa maglakip sa bahin sa kanhi Georgia Macon Mission.

Ang Portugal Porto Mission nahimong kabahin sa Portugal Lisbon Mission.

Ang France Paris ug France Toulouse Missions giusab aron maapil ang dapit sa Switzerland Geneva Mission. (Dugang pa, ang punoang buhatan sa France Toulouse Mission gibalhin ngadto sa Lyon, ug ang pangalan sa misyon giusab ngadto sa France Lyon.)

Ang El Salvador San Salvador East ug El Salvador San Salvador West/Belize Missions giusab. Ang East mission karon mao ang El Salvador San Salvador Mission, ug ang West mao na karon ang El Salvador Santa Ana/Belize Mission.