Gipaluyohan pinaagi sa Iyang Gugma

Sa dihang akong nadawat ang calling sa pagserbisyo isip lider sa mga kalihokan sa estudyante, nabalaka ko pag-ayo. Ako maulawon ug nasayud nga kini mahimong lisud alang kanako sa pagplano og mga kalihokan. Ang mga pagbati sa kakulang, kakuyaw, ug ang depresyon milukop kanako

Tungod kay nawad-an og paglaum midangop ko sa Langitnong Amahan. “Unsaon nako sa pagbuhat niini?” Nag-ampo ko. “Ako gamay ug mahuyang.”

Diha-diha dayon, usa ka malinawon, gamay nga paghunghong midulot sa akong kasingkasing: “Padayon, akong anak nga babaye. Gihigugma ko ikaw.”

Kana nga tubag gikan sa usa ka mahigugmaong Amahan nga milig-on kanako. Nahatagan og kalig-on tungod niana nga pagdasig, mibati ko nga mabuhat nako ang bisan unsa. Nasayud nga Siya nakaila kanako, nga Siya nahigugma kanako, ug nga Siya mopaluyo kanako mao ang akong gikinahanglan sa pagtuman sa akong calling sa epektibo nga paagi.

Nasayud ko nga sa bisan unsa sa atong mga kalisud, ang Langitnong Amahan nahigugma kanato ug naminaw sa atong mga pag-ampo. Samtang kita moduol Kaniya, kita makadawat og direksyon ug pag-awhag samtang kita naningkamot sa pagtuman sa atong mga calling.