Ang Liahona usa ka dakong panalangin kanako, sa akong pamilya, ug sa tanan nga akong naistoryahan mahitungod sa Simbahan. Kon ako nagkinahanglan og tambag, moabli ko sa Liahona, ug ako makakita kanunay sa mga tubag nga akong gikinahanglan. Ang Liahona nga naa sa Internet nindto kaayo—nakatabang kini nako sa pag-andam alang mga pakigpulong ug mga leksyon pinaagi sa pagkadaginot og mga oras sa pagsiksik.

Kada bulan sa akong pagbasa sa Liahona, nakahatag kini nako og butang nga labaw pa kay sa akong naangkon kaniadto. Mipahinumdom kini nako sa gugma sa Manluluwas alang nako ug nakatabang nako nga molambo. Ako nasayud nga kini nga magasin usa ka giya alang niadtong kinsa tinud-anay nga nangita og giya.

Ang Liahona nagkanindot nagkanindot kada bulan. Malipay ko kon makadawat ko niini, kay ako sigurado nga nasayud nga ako makakita og makapadasig nga mga mensahe niini. Ganahan kaayo ko sa Mga Tingog sa mga Santos sa Ulahing mga Adlaw. Akong bation ang Espiritu kon ako makabasa niadtong mibuntog sa mga kalisud ug mga tintasyon pinaagi sa ehemplo ug sa mga pagtulun-an sa Manunubos.