Ang Liahona ug Ensign Nag-focus sa Basahon ni Mormon diha sa Oktubre nga Isyu

Ang mga magasin sa Simbahan matag karon ug unya momantala og isyu nga nag-focus sa usa ka importante nga hilisgutan. Karong tuiga ang Oktubre nga isyu sa Liahona ug Ensign ipahinungod ngadto sa Basahon ni Mormon.

Ang isyu mag-focus sa tulo ka importantte nga mga pangutana: Unsa ang Basahon ni Mormon? Ngano nga kita aduna sa Basahon ni Mormon? Unsa ang kahulugan sa Basahon ni Mormon ngari kanako?

Ang isyu maglakip sa kasaysayan sa Basahon ni Mormon, uban sa personal nga mga kasinatian sa mga miyembro, mga sugyot alang sa pagtuon sa kasulatan, ug impormasyon kon unsaon sa paggamit niini karon. Ang mga pagpamatuod ug mga pagsabut sa Basahon ni Mormon gikan sa 15 ka buhing mga propeta ug mga apostoles, ingon man usab sa nangaging mga Presidente sa Simbahan, ilakip sa tibuok isyu.

“Adunay kalig-on diha sa mga pagpamatuod niadtong kinsa nangulo sa Simbahan,” miingon si Jenifer Greenwood, assistant managing editor sa Liahona. “Ang ilang mga pagpamatuod gibase sa Basahon ni Mormon, ang tukurang bato sa atong relihiyon. Dako ang among tinguha nga ang mga miyembro mobati niadto nga mga pagpamatuod.”

Ang mga miyembro giawhag sa paggamit sa isyu sa duha ka mga paagi, miingon si Elder Paul B. Pieper sa Seventy, Executive Director sa Curriculum Department.

“Una, ang mga miyembro ug ang mga misyonaryo kinahanglan nga moribyu niini alang sa ilang personal nga pagbalaan ug sa paglig-on sa ilang mga pagpamatuod sa Basahon ni Mormon,” miiingon siya. “Ikaduha, kinahanglang nga ilang ipakigbahin ang magasin ngadto sa uban, lakip sa dili kaayo aktibo nga mga miyembro sa Simbahan ug sa dili mga miyembro.”

“Ang among tinguha mao nga kini nga isyu mahimong paagi alang sa mga tawo nga moabli gayud mismo sa Basahon ni Mormon ug ipahinungod pag-usab ang kaugalingon ngadto niini,” miingon si Sister Greenwood. “Nindot kaayo ang paghisgot sa Basahon ni Mormon, ang pagbasa sa Basahon ni Mormon, ug sa pagkat-on sa mga butang mahitungod sa Basahon ni Mormon, apan ang Basahon ni Mormon mismo ang nagkabig, nga makapaduol sa mga tawo ngadto sa Dios.”

Ang Basahon ni Mormon nakabarug sa mga pagtesting sa panahon, pagsulay, ug pagpamatuod ug anaa sa sentro sa ebanghelyo ni Jesukristo.

“Kini nga isyu giandam uban sa paglaum nga kini makahatag og inspirasyon ngadto sa mga pamilya ug sa mga indibidwal samtang sila maningkamot sa pagsabut, pagpraktis, ug pagpakigbahin ngadto sa uban sa mga pagtulun-an sa Basahon ni Mormon,” miingon si Elder Pieper.

Ang Oktubre nga isyu anaa sa 42 ka mga pinulongan. Giawhag ang tanang mga miyembro nga mosinati sa mga sulod niini. Dugang nga 39 ka mga pinulongan makadawat sa Mensahe sa Unang Kapangulohan ug sa Mensahe sa Visiting Teaching gikan sa isyu. Ang tibuok isyu anaa sa internet sa daghang mga pinulongan sa Liahona ug Ensign web pages.

Ang mga miyembro nga gusto nga mo-subscribe, mohatag og gift subscription, o mokuha og dugang nga mga kopya sa isyu sa Basahon ni Mormonr makabisita sa labing duol nga tindahan sa Distribution Services store o moadto sa store.lds.org.