មានតែឌីជីថលប៉ុណ្ណោះ
ផ្នែកថ្មីនៃ លីអាហូណាសម្រាប់កុមារ
ចាប់ពីដើមឆ្នាំ ២០១៩ នេះតទៅ ទំព័រផ្នែកកុមារក្នុង លីអាហូណា បានផ្លាស់ប្តូរទៅជាបីផ្នែកធំៗ ៖
-
ផ្នែកកុមារដាច់ដោយឡែកតែឯង ។ ឥឡូវនេះ កុមារអាចនឹងចូលប្រើប្រាស់រឿង និងសកម្មភាពនានាជាច្រើនដែលស្ថាបនាសេចក្តីជំនឿ នៅក្នុងទំព័រកុមារដែលហៅថា ប្រិយមិត្ត ។ ទស្សនាវដ្តី លីអាហូណា ក៏នឹងបន្តដាក់អត្ថបទពិសេសៗសម្រាប់មជ្ឈិមវ័យ យុវមជ្ឈិមវ័យ និងយុវវ័យផងដែរ ។
-
មានទំព័រកាន់តែច្រើនថែមទៀត ។ បង្កើនពី ១៤ ទំព័រ ទៅ ២៤ ទំព័រ ដែលមានន័យថា មានរឿង សកម្មភាព និងយោបល់នានាកាន់តែច្រើនសម្រាប់បង្រៀនកុមារនៅឯគេហដ្ឋាន និងនៅថ្នាក់អង្គការបឋមសិក្សា ។ ( យោបល់សម្រាប់ការបង្រៀនគឺស្របគ្នាជាមួយនឹងធនធានថ្មី ចូរមកតាមខ្ញុំ ) ។
-
មានទំព័រថ្មីៗ ។ ទំព័រកុមាររួសរាយថ្មីគឺមានភាពងាយស្រួលកាត់រូបភាព ផាត់ពណ៌រូបភាព និងគូរលើរូបភាព ។
ទស្សនាវដ្តី ប្រិយមិត្ត នឹងត្រូវបានដាក់បញ្ចូលទៅក្នុងការជាវទស្សនាវដ្តី លីអាហូណា ដោយមិនបូកតម្លៃបន្ថែមទៀតឡើយ ហើយនឹងត្រូវផ្ញើជូនជាមួយនឹងទស្សនាវដ្តីតែម្តង ។ នៅពេលនេះ អ្នកពុំអាចបញ្ជាទិញតែទស្សនាវដ្តី ប្រិយមិត្ត មួយមុខបានឡើយ ។
មនុស្សគ្រប់គ្នាដែលទទួលទស្សនាវដ្តី លីអាហូណា អាចជួយកុមារឲ្យប្រើប្រាស់ទស្សនាវដ្តី ប្រិយមិត្ត ។ អស់អ្នកដែលគ្មានកូននៅផ្ទះ អាចឲ្យទស្សនាវដ្តីនេះទៅចៅ មិត្តភក្ដិ ឬអ្នកជិតខាង ឬថ្នាក់ដឹកនាំអង្គការបឋមសិក្សា ដែលអាចចែកចាយទស្សនាវដ្តីនេះបន្តទៅឲ្យកុមារនៅក្នុងវួដ ឬសាខា ។
ដើម្បីបញ្ជាទិញ ឬជាវជូននរណាម្នាក់ទុកជាអំណោយ សូមចូលទៅកាន់គេហទំព័រ store.lds.org សូមទាក់ទងទៅកាន់មជ្ឈមណ្ឌលចែកចាយដែលនៅក្បែរអ្នក ឬ សួរស្មៀនវួដ ឬសាខារបស់អ្នក ។
សូមឲ្យក្រុមការងារ លីអាហូណា ដឹងអំពីរបៀបដែលអ្នកប្រើប្រាស់ទស្សនាវដ្តី ប្រិយមិត្ត ថ្មីនេះនៅផ្ទះ និងនៅព្រះវិហារ ដោយអ៊ីម៉ែលទៅកាន់ liahona@ldschurch.org ។