Aroni, umfowabo kaMose Bheka futhi isihloko esithi Mose; UbuPhristi buka-Aroni ETestamenteni eliDala, yindodana ka-Amramu noJokebedi, wesizwana sabakwaLevi (Eks. 6:16–20); umfowabo omdala kaMose (Eks. 7:7). Wabekwa yiNkosi ukuba asize uMose ekukhipheni abantwana bakwa-Israyeli eGibithe nokuba abe ngumkhulumeli wakhe, Eks. 4:10–16, 27–31; 5:1–12:51. ENtabeni yaseSinayi, uMose wathola iziyalelo ngokubekwa kuka-Aroni kanye namadodana akhe amane ebuPhristini buka-Aroni, Eks. 28:1–4. Wenza ithole legolide ngokucelwa ngabantu, Eks. 32:1–6, 21, 24, 35. Wafa eNtabeni yaseHori eneminyaka yobudala eyikhulu namashumi amabili nantathu, Num. 20:22–29 (Num. 33:38–39). INkosi yanika ubuphristi futhi ku-Aroni nasenzalweni yakhe, Mf&V 84:18, 26–27, 30. Labo abakhulisa ubizo lobuphristi baba ngamadodana kaMose kanye naka-Aroni, Mf&V 84:33–34.