Develi

WuSathane. Udeveli uyisitha sokulunga futhi nesalabo abafuna ukwenza intando kaNkulunkulu. Uyindodana yomoya kaNkulunkulu ngempela futhi ngesinye isikhathi wake waba yingelosi eyayisegunyeni lapho kukhona khona uNkulunkulu (Isaya 14:12; 2 Nefi 2:17). Kodwa, wahlubuka empilweni eyandulela eyasemhlabeni futhi wakholisa inxenye yesithathu yabantwana bomoya baBaba ukuba bahlubuke naye (Mf&V 29:36; Mose 4:1–4; Abr. 3:27–28). Baphonswa ngaphandle kwasezulwini, balelwa ithuba lokuba bathole imizimba efayo futhi nokuba bezwe impilo yasemhlabeni, futhi bazolahlwa ingunaphakade. Selokhu udeveli aphonswa ngaphandle kwasezulwini, yilokhu afuna njalo ukukhohlisa abesilisa nabesifazane futhi nokubaholela kude nomsebenzi kaNkulunkulu ukuze enze bonke abantu ukuba babe sosizini njengaye (IsAmb. 12:9; 2 Nefi 2:27; 9:8–9).

Abakhohlakeleyo bazolethwa phansi ekuthunjweni kukadeveli, 1 Nefi 14:7.
Udeveli ngubaba wawo wonke amanga, 2 Nefi 2:18 (Mose 4:4).
Udeveli ufuna bonke abantu babe nosizi njengaye, 2 Nefi 2:27.
Uma inyama ingasezukuphinde ivuke, imimoya yethu kufanele ibe ngaphansi kukadeveli, 2 Nefi 9:8–9.
Udeveli uzodlanga, athulise, futhi aluthe, 2 Nefi 28:20–23.
Lokho okubi kuvela kudeveli, Omini 1:25 (Alima 5:40; Moro. 7:12, 17).
Qaphelani hleze umbango uvuke phakathi kwenu, futhi nilalele umoya omubi, Mosiya 2:32.
Uma ningezona izimvu zomalusi omuhle, udeveli ungumalusi wenu, Alima 5:38–39.
Udeveli ngeke abasekele abantwana bakhe, Alima 30:60.
Khulekani njalo ukuze ningaholelwa ezilingweni zikadeveli, Alima 34:39 (3 Nefi 18:15, 18).
Yakhelani isisekelo senu kumHlengi ukuze izivunguvungu ezinamandla zikadeveli zingabi namandla phezu kwenu, Hel. 5:12.
Udeveli ungumqambi wezono zonke, Hel. 6:26–31.

Ibandla likadeveli

Yizo zonke izinhlangano ezimbi futhi zomhlaba ezisemhlabeni eziphendukezela ivangeli elimsulwa neliphelele du futhi nezilwa neMvana kaNkulunkulu.