මාර්ගය දෙස බලන්න
වැදගත්ම දේවල් කෙරෙහි අවධානය යොමුකිරීම—විශේෂයෙන් “මාර්ගය දිගේ ඇති” එම සදාකාලික දේවල්—මේ ජීවිතය මෙහෙයවීම සඳහා යතුරයි.
මට වයස අවුරුදු 15 වන විට, මට තාවකාලික රියදුරු බලපත්‍රයක් ලැබුණු අතර, එමඟින් මගේ දෙමව්පියන්ගෙන් කෙනෙකු මා සමඟ සිටිනවා නම් මට වාහනයක් පැදවීමට අවසර ලැබුණා. මම වාහන පැදවීමට යන්න කැමතිදැයි තාත්තා ඇසූ විට, මම මහත් සතුටට පත්වුණා.
ඔහු නගරයෙන් ඈතට සැතපුම් කිහිපයක් ඈතින් මිනිසුන් කිහිපදෙනෙකු පමණක් භාවිතා කළ දිගු, කෙළින්, සහ මංතීරු දෙකක මාවතකට ගමන් කළා—මම මෙසේ සටහන් කළ යුතුයි, සමහරවිට ඔහුට ආරක්ෂිත යැයි හැඟෙන එකම ස්ථානය එය වෙන්නට ඇති. ඔහු පාරේ කෙළවරට වන්නට නැවැත්වූ අතර, අපි ආසන මාරුකළා. ඔහු මට යම් පුහුණුවක් ලබාදුන් අතර පසුව මට මෙහෙම කිව්වා, “හෙමින් හෙමින් පාරට අරන් මම නවත්වන්නැයි කියන තුරු වාහනය පදවාගෙන යන්න.”
මම ඔහුගේ නියෝග හරියටම අනුගමනය කළා. නමුත් තත්පර 60 කට පමණ පසු, ඔහු පැවසුවේ “පුතේ, කාර් එක පැත්තකට කරලා නවත්වන්න. ඔයා මට කැරකිල්ල හදවනවා. ඔයා පාර පුරාම යනවනෙ.” ඔහු මෙහෙම ඇහුවා, “ඔයා බලන් ඉන්නේ මොකක් දිහාද?”
“මම බලාගෙන ඉන්නෙ පාර දිහා” කියලා ටිකක් කලබලයෙන් මම කිව්වා.
ඊට පස්සෙ ඔහු මෙහෙම කිව්වා: “මම බලාගෙන ඉන්නේ ඔයාගේ ඇස් දිහා, ඔයා බලාගෙන ඉන්නේ කාරයේ ආවරණය ඉදිරිපස ඇති දේ පමණයි. ඔයා ඉස්සරහ කෙලින්ම තිබෙන දේ දිහා විතරක් බැලුවොත් ඔයාට කිසිවිටෙකත් කෙලින් ධාවනය කරන්න බැහැ.” ඉන්පසු ඔහු මෙසේ අවධාරණය කළා, “පාර දිහා බලන්න. ඔයාට කෙලින් ධාවනය කරන්න ඒක උදව් වෙයි.”
වයස අවුරුදු 15 ක් වූ මම, එය රිය පැදවීමේ හොඳ පාඩමක් යැයි සිතුවා. එය ඉතා හොඳ ජීවිත පාඩමක් වන බවත් එතැන් සිට මම තේරුම්ගත්තා. වැදගත්ම දේවල් කෙරෙහි අවධානය යොමුකිරීම—විශේෂයෙන් “මාර්ගය දිගේ ඇති” එම සදාකාලික දේවල්—මේ ජීවිතය මෙහෙයවීම සඳහා යතුරයි.
ගැලවුම්කරුවාණන්ගේ ජීවිතයේ එක් අවස්ථාවක, උන්වහන්සේට තනිවම සිටීමට අවශ්‍ය වූ නිසා, “යාච්ඤා කිරීමට උන්වහන්සේ කන්දක් වෙත [ගියා].” 1 මුහුද තරණය කරන ලෙස උපදෙස් දී උන්වහන්සේ තම ගෝලයන්ව පිටත්කර හැරියා. රාත්‍රියේ කළුවර වැටී, ගෝලයන් රැගත් නැව දරුණු කුණාටුවකට මුහුණපෑවා. යේසුස්වහන්සේ ඔවුන්ව බේරාගැනීමට ගියා නමුත් ඒ සාම්ප්‍රදායික නොවන ආකාරයකින්. ශුද්ධලියවිලි වල සඳහන් වන්නේ මෙහෙමයි, “රෑ සතරවෙනි යාමයේදී උන්වහන්සේ ඔවුන් වෙතට මුහුද පිට පයින් ආ සේක.” 2 උන්වහන්සේව දුටු විගස ඔවුන් බිය වීමට පටන්ගත්තා, මන්ද තමන් වෙත එන රූපය අවතාරයක් හෝ කිසියම් විකාරයක් යැයි ඔවුන් සිතුවා. යේසුස්වහන්සේ ඔවුන්ගේ භීතිය දැනගෙන ඔවුන්ගේ මනස සහ සිත සැහැල්ලු කිරීමට කැමැත්තෙන් ඔවුන්ට කතා කොට, මෙසේ කිව්වා, “ධෛර්යවත් වෙයල්ලා; මමය; භය නොවෙල්ලා.” 3
පේත්‍රැස්ට සහනයක් පමණක් නොවේ නිර්භීත කමක්ද දැනුණා. නිර්භීත හා බොහෝ විට ඉක්මන් වන පේත්‍රැස් යේසුස්වහන්සේට මෙසේ මොරගැසුවා, “ස්වාමිනි, ඒ ඔබවහන්සේ නම්, වතුර පිට ඔබ වෙතට එන්ට මට අණකළ මැනව.” 4 යේසුස්වහන්සේ උන්වහන්සේගේ හුරුපුරුදු හා සදාකාලික ආරාධනයෙන් “එන්න” යනුවෙන් පිළිතුරු දුන්නා. 5
අපේක්ෂාව ගැන මහත් උද්දාමයට පත්වූ පේත්‍රැස්, බෝට්ටුවෙන් ගොඩවූයේ ජලය තුළට නොවේ නමුත් ජලය මතටයි. ඔහු ගැලවුම්කරුවාණන් කෙරෙහි අවධානය යොමුකරමින් සිටියදී, ජලය මත ඇවිදීම පවා වූ, කළ නොහැකි දේ ඔහුට කළ හැකිවුණා. මුලදී, පේත්‍රැස් කුණාටුව නිසා නොසැලී සිටියා. නමුත් “ඝෝෂාකාරී” 6 සුළඟ විසින් අවසානයේදී ඔහුගේ අවධානය වෙනතකට යොමුකළ අතර ඔහුගේ අවධානය නැතිවී ගියා. බිය නැවත පැමිණියා. එහි ප්‍රතිඵලයක් වශයෙන් ඔහුගේ ඇදහිල්ල හීන වූ අතර, ඔහු ගිලෙන්නට පටන්ගත්තා. “ස්වාමිනි, මා ගැළෙවුව මැනවයි මොරගැසුවා.” 7 සෑමවිටම ගැලවීමට උනන්දුවක් දක්වන ගැලවුම්කරුවාණන්, ඔහු වෙතට ගොස් ඔහුව ආරක්ෂා සහිතව ඔසවා තැබුවා.
මෙම ආශ්චර්යමත් කතාවෙන් ඉගෙනගැනීමට පාඩම් රාශියක් තිබෙනවා, නමුත් මම එයින් තුනක් සඳහන් කරන්නම්.
ක්‍රිස්තුස්වහන්සේ කෙරෙහි අවධානය යොමුකරන්න
පළමු පාඩම: ක්‍රිස්තුස්වහන්සේ කෙරෙහි අවධානය යොමුකරන්න. පේත්‍රැස් යේසුස්වහන්සේ දෙස දෑස් යොමුකර සිටියත්, ඔහුට වතුර මත ඇවිදීමට හැකිවුණා. ඔහුගේ අවධානය ගැලවුම්කරුවාණන් කෙරෙහි පමණක් යොමුවූ තාක්කල් කුණාටුව, රැළි, සහ සුළඟ ඔහුට බාධාවක් වුණේ නෑ.
අපගේ අවසාන අරමුණ අවබෝධ කරගැනීම මගින්, අපගේ අවධානය යොමුවිය යුත්තේ කුමක් සඳහාදැයි නිශ්චය කරගැනීමට උපකාරී වෙනවා. ඉලක්කය නොදැන අපට සාර්ථක ක්‍රීඩාවක් කළ නොහැකි ලෙසම, එහි අරමුණ නොදැන අපට අර්ථවත් ජීවිතයක් ගතකළ නොහැකියි. යේසුස් ක්‍රිස්තුස්වහන්සේගේ නැවත පිහිටුවන ලද ශුභාරංචියේ ඇති මහත් ආශිර්වාදයක් නම්, අනෙක් දේවල් අතරේ, එය “ජීවිතයේ අරමුණ කුමක්ද?” යන ප්‍රශ්නයට පිළිතුරු දීමයි. “මෙම ජීවිතයේ අපගේ අරමුණ වන්නේ ප්‍රීතියෙන් සිටීම සහ දෙවියන්වහන්සේ වෙත ආපසු යාමට සූදානම් වීමයි.” 8 අපි මේ ලෝකයේ සිටින්නේ දෙවියන්වහන්සේ සමඟ ජීවත් වීමට නැවත යාමට සූදානම් වීමට බව මතකතබාගැනීම, ක්‍රිස්තුස්වහන්සේ වෙතට අපව යොමුකරන දේ කෙරෙහි අවධානය දෙන්නට උදව් වෙනවා.
ක්‍රිස්තුස්වහන්සේ කෙරෙහි අවධානය යොමුකිරීම සඳහා, විශේෂයෙන් අපට වඩාත් හොඳ ගෝලයන් වීමට උපකාර වන කුඩා හා සරල අධ්‍යාත්මික පුරුදු කෙරෙහි විනය අවශ්‍ය වෙනවා. හික්මීමකින් තොරව අනුගාමිකත්වයක් නැහැ.
අපට යා යුත්තේ කොහෙද, එමෙන්ම අපට විය යුත්තේ කවුද කියා අපි පාර දෙස බලන විට සහ අපට එහි යාමට අවශ්‍ය දේවල් අපි දිනපතා කරන්නට කාලය වෙන්කරගන්නා විට, යේසුස් ක්‍රිස්තුස්වහන්සේ කෙරෙහි ඇති අපේ අවධානය වඩාත් පැහැදිලි වෙනවා. ක්‍රිස්තුස්වහන්සේ කෙරෙහි අවධානය යොමුකිරීම තුළින් අපගේ තීරණ සරල කරගත හැකි අතර අපගේ කාලය හා සම්පත් හොඳින් වැයකළ හැකි ආකාරය පිළිබඳ මගපෙන්වීමක්ද ලැබෙනවා.
අපගේ අවධානය යොමුකළ යුතු බොහෝ දේ තිබියදීත්, ක්‍රිස්තුස්වහන්සේව සැමවිටම අපේ අවධානයේ කේන්ද්‍රයේ තබාගැනීමේ වැදගත්කම පේත්‍රැස්ගේ උදාහරණයෙන් අපි ඉගෙනගන්නවා. දෙවියන්වහන්සේ සමඟ නැවත ජීවත් වීමට අපට ආපසු යා හැක්කේ ක්‍රිස්තුස්වහන්සේ තුළින් පමණයි. අපි උන්වහන්සේ හා සමාන වීමට උත්සාහ කරන විට, සහ අපි වැරැද්දක් කරන විට උන්වහන්සේගේ සමාවදීමේ සහ ශක්තිමත් කිරීමේ බලය අපි සොයන විට අපි ක්‍රිස්තුස්වහන්සේගේ කරුණාව මත රැඳෙනවා.
අවධානය වෙනතකට යොමුවීමෙන් ප්‍රවේශම් වන්න
දෙවන පාඩම: අවධානය වෙනතකට යොමුවීමෙන් ප්‍රවේශම් වන්න. පේත්‍රැස් ඔහුගේ අවධානය යේසුස්වහන්සේ කෙරෙන් ඉවත්කර සුළඟ කෙරෙහි සහ ඔහුගේ පාමුළ තිබූ රළ පහර කෙරෙහි යොමුකළ විට, ඔහු ගිලෙන්නට පටන්ගත්තා.
ක්‍රිස්තුස්වහන්සේ කෙරෙහි සහ “මාවත දිගේ ඇති” සදාකාලික දේවල් වලින් අපේ අවධානය වෙනතකට යොමුකරන “වාහනයේ ඉදිරිපිට” දේවල් බොහොමයක් තිබෙන්නට පුළුවන්. මහා බාධකය යක්ෂයායි. දෙවියන්වහන්සේ සමඟ ජීවත්වීමට සූදානම් වීමේ අපේ කාරණයෙන් අපව ඉවතට ඇද දමන දේවල් වලට අපව ආකර්ෂණය කරගැනීමට සොයන එම මහත් විශාල ගොඩනැගිල්ලේ හඬවල් ගැන ලෙහිගේ සිහිනයෙන් අපි ඉගෙනගන්නවා. 9
නමුත් එතරම්ම භයානක විය හැකි පැහැදිලි බවින් අඩු බාධා කිරීම්ද තිබෙනවා. මේ වගේ කියමනක් තිබෙනවා, “නපුරේ ජයග්‍රහණය සඳහා අවශ්‍ය එකම දෙය යහපත් මිනිසුන් කිසිවක් නොකර සිටීමයි.” යහපත් මිනිසාට කිසිවක් නොකිරීමට හෝ අවම වශයෙන් ඔවුන්ගේ උසස් අරමුණු හා ඉලක්ක වලිට බාධා පමුණුවන දේ සඳහා කාලය නාස්ති කිරීමට විරුද්ධවාදියා අදිටන් කරගෙන සිටින බවක් පෙනෙනවා. නිදසුනක් වශයෙන්, සෞඛ්‍ය සම්පන්නව මධ්‍යස්ථව වෙනස් කරන සමහර දේවල් විනයකින් තොරව සෞඛ්‍ය සම්පන්න නොවන බාධා කිරීම් බවට පත්වෙන්නට පුළුවන්. ඵලදායී වීමට බාධා කිරීම්, නරක හෝ දුරාචාර සිදුවිය යුතු නැති බව සතුරා තේරුම්ගන්නවා.
අපව බේරාගත හැකියි
තුන්වන පාඩම: අපව බේරාගත හැකියි. පේත්‍රැස් ගිලෙන්නට පටන්ගත් විට ඔහු මෙසේ මොරගැසුවා “ස්වාමිනී, මාව බේරගන්න. එකෙණෙහිම යේසුස් ක්‍රිස්තුස්වහන්සේ උන්වහන්සේගේ අත දිගු කොට ඔහුව අල්ලාගත් සේක.” 10 අප ගිලෙන බව දකින විට, පීඩා වලට මුහුණදෙන විට, හෝ අපි පසුබට වන විට, අපටද උන්වහන්සේගෙන් ගැලවීම ලබාගන්නට පුළුවන්.
පීඩා හෝ අභියෝග හමුවේ, ඔබ මා හා සමාන වියහැකි අතර ගැලවීම ඉක්මන් වනු ඇතැයි බලාපොරොත්තුවෙන් සිටින්නට පුළුවන්. එහෙත් ඔවුන් රැය පුරාම කුණාටුව සමඟ වෙහෙස මහන්සි වීමෙන් පසුව—ප්‍රේරිතවරුන්ව බේරාගැනීමට ගැලවුම්කරුවාණන් පැමිණියේ හතරවෙනි රාත්‍රියේදී බව මතකතබාගන්න. 11 උපකාරය වහාම නොපැමිණෙන්නේ නම්, අවම වශයෙන් එය එම හිතෝපදේශික රාත්‍රියේ දෙවන වතාවේදී හෝ තුන්වන වතාවේදී හෝ පැමිණේවා යැයි අපි යාච්ඤා කළ යුතුයි. අප බලා සිටිය යුතුම විට, අපට දරාගත හැකි ප්‍රමාණයට වඩා අපට විඳදරා ගැනීමට සිදුනොවන බව සහතික කරගැනීම සඳහා, ගැලවුම්කරුවාණන් නිතරම බලා සිටින බව සහතිකයි. 12 හතරවන අවස්ථාවේත් රාත්‍රියේ බලා සිටින අය, සමහරවිට තවමත් දුක් වේදනා මධ්‍යයේ සිටින අය, බලාපොරොත්තු සුන් කරගන්න එපා. ලෞකිකත්වය තුළදී හෝ සදාකාලයේදී ගැලවීම සැමවිටම ඇදහිලිවන්තයන් වෙත පැමිණෙනවා.
සමහරවිට අපගේ ගිලීම් සිදුවන්නේ අපේ වැරදි සහ පාප නිසායි. එම හේතුන් නිසා ඔබ ගිලෙන බව ඔබට පෙනේ නම්, පසුතැවිලි වීමට ප්‍රීතිමත් තේරීමක් කරන්න. 13 ගැලවුම්කරුවාණන් වෙතට හැරෙන, හෝ ආපසු එන අයව බේරාගැනීමට වඩා උන්වහන්සේට ප්‍රීතියක් ලබාදෙන්නේ තවත් සුළු දේවල් ප්‍රමාණයක් පමණක් බව මම විශ්වාස කරනවා. 14 වරක් ඇද වැටී හා දෝෂ සහිත වූ නමුත් පසුතැවිලි වී ක්‍රිස්තුස්වහන්සේගේ ඇදහිල්ල තුළ ස්ථිරව සිටි මිනිසුන්ගේ කථා වලින් ශුද්ධලියවිලි පිරී තිබෙනවා. එම කතන්දර ශුද්ධලියවිලි වල තියෙන්නේ ගැලවුම්කරුවාණන්ගේ ප්‍රේමය සහ අපව මුදවාගැනීමේ උන්වහන්සේගේ බලය අසීමිත බව අපට මතක්කර දීමට බව මම සිතනවා. අප පසුතැවිලි වන විට ගැලවුම්කරුවාණන්ට ප්‍රීතිය ලැබෙනවා පමණක් නොව, නමුත් අපටත් මහත් ප්‍රීතියක් ලැබෙනවා.
අවසානය
“පාර දෙස බැලීම” ගැන චේතාන්විත වීමට සහ ඇත්තවශයෙන්ම වැදගත් වන දේ කෙරෙහි ඔබේ අවධානය වැඩි කරන ලෙස මම ඔබට ආරාධනා කරනවා. අපි ක්‍රිස්තුස්වහන්සේව අපේ අවධානයේ මධ්‍යයේ තබාගමු. සියලු බාධාවන් මධ්‍යයේ, “වාහනය ඉදිරිපිට” ඇති දෑ, සහ අප වටා ඇති සුළි සුළං මධ්‍යයේ, යේසුස්වහන්සේ අපගේ ගැලවුම්කරුවාණන් බවත් අපගේ මිදුම්කරුවාණන් බවත් අපව බේරාගන්නා තැනැත්තා බවත් මම සාක්ෂි දරනවා. යේසුස් ක්‍රිස්තුස්වහන්සේගේ නාමයෙන්, ආමෙන්.