Misioni Hyjnor i Jezu Krishtit: Buka e Jetës

Pamja

Jesus Christ seated at a table with His apostles. The apostles are watching Christ as He breaks bread and offers it to them in remembrance of His body and blood. The painting depicts the institution of the Sacrament at the Last Supper.

Detaj nga Në Përkujtimin Tim, nga Walter Rane

Jezusi tha: “Unë jam buka e gjallë që zbriti nga qielli; nëse një ha nga kjo bukë do të jetojë përjetë” (Gjoni 6:51). “Jezusi na mëson ne, dishepujt e Tij, që duhet t’i drejtohemi Perëndisë çdo ditë për bukën – ndihmën dhe mjetet e jetesës – që kërkojmë në atë ditë të veçantë”, tha Plaku D. Tod Kristoferson, i Kuorumit të Dymbëdhjetë Apostujve. “Ftesa e Zotit … flet për një Perëndi të përzemërt, të vetëdijshëm madje për nevojat e vogla e të përditshme të fëmijëve të Tij dhe të etur t’i ndihmojë ata, një e nga një. Ai po thotë se ne mund t’i kërkojmë me besim asaj Qenieje ‘që u jep të gjithëve pa kursim, pa qortuar, dhe atij do t’i jepet’ (Jakobit [Bibël] 1:5).”¹ Teksa e kuptojmë se Jezu Krishti do të na i sigurojë nevojat tona, ne do të drejtohemi tek Ai për mirëmbajtjen tonë shpirtërore.

Plaku Xhefri R. Holland, i Kuorumit të Dymbëdhjetë Apostujve, na fton që “t’i bashkohemi aventurës së dishepujve të hershëm të Krishtit të cilët gjithashtu kishin dëshirë të zjarrtë për bukën e jetës – ata që nuk u kthyen prapa, por që erdhën tek Ai, qëndruan me Të dhe që e dalluan se për siguri dhe shpëtim nuk kishte asnjë tjetër tek i cili të mund të shkonin”².