Si të Bëni Pyetje që Kanë Rëndësi

Pyetjet që kanë rëndësi, janë ato që ju bëjnë të mendoni dhe të ndieni thellësisht, ato që ju udhëheqin drejt së vërtetës, dëshmisë dhe ndryshimit. Ato mund të trajtojnë një shkallë të gjërë temash, por zakonisht kanë pak gjëra të përbashkëta: 1) ato nuk janë sipërfaqësore apo thjesht të bazuara në fakte (edhe pse mund të jenë një ndjekje e ecurisë së pyetjeve të bazuara në fakte), 2) ato kanë njëfarë lidhje me jetën tonë të përditshme dhe 3) na nxitin të japim më shumë se sa thjesht një përgjigje të paraprogramuar.

Pyetjet na përfshijnë me anë të paraqitjes së një boshllëku që mendja jonë më pas dëshiron ta mbushë. Në mënyrë të veçantë, bërja e pyetjeve që nxitin reflektim vetjak, mund të lejojë të ndodhë procesi që vijon:

1. Njerëzit bëhen të interesuar për atë që po thoni.

2. Ata e përdorin lirinë e tyre të zgjedhjes për të menduar rreth një përgjigjeje dhe për ta shprehur atë.

3. Ky përdorim i lirisë së zgjedhjes e lejon Frymën e Shenjtë që t’u dëshmojë atyre për të vërtetën.¹

Me këtë proces në mendje, ju do të fitoni një ide për çfarë lloj pyetjesh të bëni dhe cilave t’iu shmangeni.

Nëse i njihni njerëzit, të cilëve u jepni mësim, dhe mendoni për nevojat e tyre, ju do të zgjidhni pyetje që kanë si qëllim t’i ndihmojnë ata, jo thjesht që të përcillni ide të caktuara.

Për t’u përgatitur që të jepni mësim ungjillin, studioni shkrimet e shenjta dhe mësimet e profetëve dhe apostujve të kohës sonë, dhe lutuni që Shpirti i Shenjtë të mund të jetë me ju dhe me ata të cilëve u jepni mësim (shih DeB 42:14; 50:21–22).

Gjithashtu, nëse dëshironi t’u bëni pyetje njerëzve, të cilat vërtet i bëjnë të mendojnë, ju keni nevojë të bëni të njëjtin lloj të të menduarit vetë. Përsiatni atë që studioni. Ju do të zbuloni se ajo që ju bën të mendoni më thellësisht, janë pyetjet që i bëni vetes përgjatë udhës. Kushtojuni vëmendje llojeve të pyetjeve që ju bëjnë vërtet të mendoni. Këto janë pyetjet që çojnë drejt ideve më të mëdha dhe dëshmisë më të madhe, të njëjtat lloj pyetjesh që mund të bëni kur po i ndihmoni të tjerët të mësojnë rreth ungjillit.

Nganjëherë është më e mira që të hyni me ngadalë në pyetje që kërkojnë më shumë mendim dhe reflektim vetjak, kështu që ju mund të dëshironi të bëni një pyetje paraprirëse, së cilës është e lehtë t’i jepet përgjigje, dhe më pas ta ndiqni ecurinë me një ose më shumë pyetje që çojnë drejt përgjigjesh më të mendueshme. Ja disa shembuj të thjeshtë:

Nëse kërkoni drejtimin e Frymës së Shenjtë teksa bëni pyetje, ju do të keni më shumë mundësi që të bëni pyetjen e duhur në kohën e duhur. Ku i dihet. Ajo mund ta ndryshojë jetën e dikujt.