2015
Ang Lista sa 10 ka Prayoridad ni Abby
Enero 2015

Ang Lista sa 10 ka Prayoridad ni Abby

Ni Rosemary M. Wixom

Kinatibuk-ang Presidente sa Primary

Imahe
Rosemary M. Wixom

Gikan sa “Ang Paggahin og Panahon sa Pag-istoryahanay ug Pagpaminaw,” Liahona, Abr. 2012, 37.

“ Kini mao ang laraw sa kaluwasan ngadto sa tanan nga mga tawo” (Moises 6:62).

Kausa samtang mibisita ko sa usa ka klase sa young women, ang magtutudlo mihangyo sa klase sa pagsulat sa ilang 10 ka prayoridad sa kinabuhi. Dayon mihangyo siya nila sa pagpaambit unsa ang ilang gisulat. Si Abby, kinsa bag-ohay lang nag-12 anyos, naglingkod tapad nako. Kini mao ang lista ni Abby:

  1. Moeskwela sa kolehiyo.

  2. Mamahimo nga interior designer.

  3. Moadto og misyon sa India.

  4. Magminyo sa templo ngadto sa usa ka returned missionary.

  5. Dunay lima ka anak ug dunay balay.

  6. Mopadala sa akong mga anak ngadto sa misyon ug sa kolehiyo.

  7. Mamahimong usa ka “manggihatagon og cookie” nga lola.

  8. I-spoil ang mga apo.

  9. Magkat-on pa mahitungod sa ebanghelyo ug maglingaw sa kinabuhi.

  10. Mobalik sa pagpuyo kauban sa Langitnong Amahan.

Si Abby adunay panan-awon sa plano sa Langitnong Amahan kanatong tanan. Kon ang inyong dalan nakatutok sa labing importante nga tumong sa pagbalik ngadto sa Langitnong Amahan, makaabut mo didto!