Mensahe sa Visiting Teaching
Mga Kinaiya ni Jesukristo: Masulundon nga Anak
Mainampoong tun-i kini nga materyal ug tinguhaa nga masayud unsa ang angay nga ipakigbahin. Sa unsang paagi ang pagsabut sa kinabuhi ug ang tahas sa Manluluwas makapalambo sa inyong hugot nga pagtuo diha Kaniya ug mopanalangin niadtong inyong giamuma pinaagi sa visiting teaching? Alang sa dugang nga impormasyon, adto sa reliefsociety.lds.org.
Hugot nga Pagtuo, Pamilya, Kahupayan
Ang pagsunod sa ehemplo ni Jesukristo sa pagkamasulundon makadugang sa atong pagtuo diha Kaniya. “Angay pa ba nga ikatingala,” miingon si Elder Jeffrey R. Holland sa Korum sa Napulog Duha ka mga Apostoles, “nga si Kristo mipili una sa tanan sa pagpasabut sa iyang relasyon ngadto sa iyang amahan—nga siya nahigugma ug nagsunod kaniya ug misimba kaniya sama sa usa ka maunungon nga anak? … Ang pagkamasulundon mao ang unang balaod sa langit.”1
Ang kasulatan nagtudlo nga “kon kita makadawat og bisan unsa nga panalangin gikan sa Dios, kini tungod sa pagsunod niana nga balaod diin diha kini gipasikad” (D&P 130:21). Ang atong espirituhanong kalamboan mahitabo samtang kita moduol sa Dios pinaagi sa pagkamasulundon ug modapit sa gahum sa Pag-ula sa Manluluwas sa atong kinabuhi.
“Samtang maglakaw kita diha sa pagkamasulundon sa mga baruganan ug mga sugo sa ebanghelyo ni Jesukristo,” miingon si Elder D. Todd Christofferson sa Korum sa Napulog Duha ka mga Apostoles, “atong matagamtam ang usa ka nagpadayon nga pagdagayday sa mga panalangin nga gisaad sa Dios diha sa Iyang pakigsaad ngari kanato. Kadto nga mga panalangin mohatag sa mga kapanguhaan nga kinahanglan natong palihukon kaysa aghaton lamang sa pagpalihok samtang nagpadayon kita sa kinabuhi. … Ang pagkamasulundon makahatag kanato og dugang pagkontrol sa atong mga kinabuhi, dugang kapasidad sa pag-adto ug sa pag-uli, sa pagtrabaho ug sa paghimo.”2
Dugang nga mga Kasulatan
Gikan sa mga Kasulatan
“Ang espiritwal nga kalig-on ba nga miresulta sa padayon nga pagsunod sa mga sugo mahatag sa laing tawo?” nangutana si Elder David A. Bednar sa Korum sa Napulog Duha ka mga Apostoles. “Ang klaro nga tubag … dili.”3
Ang sambingay sa napulo ka dalagang birhen mao ang ehemplo niini nga baruganan. Samtang ang tanan nga mga birhen midala sa ilang mga lamparahan sa “pagsugat sa pamanhonon”, lima lamang ang mga maalamon ug mibutang og lana sa ilang lamparahan. Ang laing lima mga boang-boang tungod kay sila “wala magdalag lana.”
Dayon may misinggit pagka tungang gabii: “Tan-awa, ang pamanhonon; panggula kamo ug sugata ninyo siya.” Ang tanan nga mga birhen mibutang og lana sa ilang mga lampara, apan ang mga boang-boang nga mga birhen walay lana. Sila miingon ngadto sa maalamong mga birhen, “Hatagi kamig lana; kay nagakapalong kining among lamparahan.”
Ang maalamong mga birhen mitubag, “Tingalig dili kini paigo alang kanamo ug kaninyo: pangadto hinoon kamo … ug pamalit kamog alang kaninyo.” Ug samtang ang mga boang-boang nga birhen namalit, ang pamanhonon miabut ug ang maalamong mga birhen miuban kaniya ug “ang pultahan gitakpan”