Mga Kinahanglanon Nag-awhag sa mga Estudyante sa Seminary sa Pagpaugmad sa Pagkat-on

Imahe

Young men studying the scriptures in seminary class.

Bag-ong mga kinahanglanon alang sa gradwasyon sa seminary nga motabang sa mga estudyante sa “pagpalambo sa pagkat-on” gibuhat sa tibuok Simbahan. Ang mga kinahanglanon, nga gisugdan sa sinugdanan niining tuig sa pagtuon sa Doktrina ug mga Pakigsaad ug sa Kasaysayan sa Simbahan, naglakip og duha ka dagkong mga elemento:

1. Ang mga estudyante sa Seminary gikinahanglan nga mobasa sa basahon sa kasulatan nga ilang gitun-an alang niini nga tuig, agi og dugang sa pagdawat og credit nga gibase sa pagtambong ug sa ecclesiastic nga endorsement gikan sa ilang bishop o branch president. Ang pagbasa og kasulatan gipasabut og maayo kaniadto, apan karon kini usa ka kinahanglanon alang sa gradwasyon.

2. Ang mga estudyante gikinahanglan nga mopasar og mga assessment sa duha ka kurso nga gitun-an niining tuiga, nga may score sa dili mominos sa 75 porsyento. Ang usa ka assessment pagahimoon sa tunga-tunga sa tuig ug ang ikaduha sa katapusan sa academic nga tuig. Ang mga assessment may kalabutan una sa tanan sa pagsabut sa doktrina ug paggamit sa mga baruganan sa ebanghelyo sa matag adlaw nga kinabuhi.

Ang bag-ong mga kinahanglanon sa seminary—uban sa Isangyaw ang Akong Ebanghelyo: Usa ka Giya sa Misyonaryo nga Pangalagad ug ang Dominggo nga kurikulum sa kabatan-onan Come, Follow Me—mohatag sa kabatan-onan og oportunidad nga mas makahimo og igo nga kaugalingong mga pagpamatuod, mopalawom sa ilang pagsabut sa ebanghelyo, ug modugang sa ilang abilidad sa pagpakigbahin sa ilang kahibalo samtang sila nag-andam alang sa kinabuhi nga pagpangalagad ug pagkadisipulo.

Sa katapusan sa kada tuig, ang mga estudyante makadawat og sertipiko nga nagpakita nga ilang nahuman ang mga kinahanglanon (lakip ang pagbasa ug ang mga assessment) o usa ka cerificate of recognition nga nagpakita nga ilang natuman ang mga kinahanglanon sa pagtambong.