Apostol Nagtanyag og Tambag mahitungod sa Social Media
“Sugod dinhi niini nga dapit niining adlawa, nag-awhag ako kaninyo sa paglunop sa yuta og mga mensahe nga puno sa pagkamatarung ug kamatuoran, mga mensahe nga tinuod, makapalig-on, ug dalaygon, ug sa tinuod molunop sa kalibutan ingon sa usa ka baha,” si Elder David A. Bednar sa Korum sa Napulog Duha ka mga Apostoles misulti atol sa usa ka pakigpulong sa Education Week diha sa Brigham Young University niadtong Agosto 19, 2014.
“Nag-ampo ako nga kita dili lamang moapil sa usa ka kalit nga lunop nga daling motubo ug dayon mohubas ingon usab kadali,” miingon siya diha sa usa ka mensahe nga nagpunting sa gahum sa social media sa pagsulti sa kamatuoran. Gitawag ni Elder Bednar ang atong panahon og usa ka “talagsaong panahon sa kasaysayan sa kalibutan,” diin kita gipanalanginan og “usa ka milagrosong mga kausaban ug mga imbensyon nga nakahimo ug nakapadali sa buhat sa kaluwasan.
“Sa pagbana-bana 40 porsyento sa atong tibuok kalibutan nga pwersa sa misyonaryo sa dili madugay mogamit og mga digital nga mga kagamitan isip mga himan sa buhat sa pagkabig, retention, ug activation,” miingon siya. “Masaligon ako nga kitang tanan usab moila kon giunsa sa teknolohiya pagpadali ang family history ug ang buhat sa templo, ang atong indibidwal ug pamilyang pagtuon sa gipahiuli nga ebanghelyo, ug ang paghimo niini alang kanato sa pagkat-on, pagtan-aw, ug pagsinati sa kalibutan sa talagsaong mga paagi.”
Siya mipakita sa bag-ong mga tabang sa social media lakip ang Easter video nga gihimo sa Simbahan, Because of Him, nga gitan-aw og labaw sa lima ka milyon ka beses sa 191 ka mga nasud ug mga teritoryo ug ang #didyouthinktoprayhashtag, nga midangat og labaw sa 40,000 ka panagsultihanay mahitungod sa panginahanglan sa pag-ampo.
Kini ug ang uban nga mga tabang mga “gamay lamang nga tinulo” miingon siya, nagtawag sa mga Santos sa Ulahing mga Adlaw sa “pagtabang og usab sa tinulo ngadto sa usa ka lunop.” Miingon usab siya nga kon gamiton ang social media:
-
“Kinahanglan nga dili pasobrahan, bulak-bulakan, o magpakaaron ingnon nga usa ka tawo, o usa ka butang nga kita dili mao. Ang atong isulat kinahanglan nga kasaligan ug makaayo.”
-
“Ang atong mga mensahe kinahanglan nga magtabang sa paglig-on ug pagbayaw, kaysa maglalis, magdebate, maghukom, o magdaug-daug.”
-
“Magpakaisug ug magpakawalay kahadlok, apan dili magpalabi-labi, sa pagpaluyo ug paglaban sa atong mga tinuohan, ug likayi ang panagbingkil. Isip mga disipulo, ang atong katuyoan kinahanglan mao ang paggamit sa mga channel sa social media isip mga paagi sa pagpakita sa kahayag ug kamatuoran sa gipahiuli nga ebanghelyo ni Jesukristo.”
-
“Ang sobra kaayo nga panahon mahimong mausik, ang daghan kaayo nga mga relasyon mahimong madaot o maguba, ug ang gimahal nga mga sumbanan sa pagkamatarung mahimong mahunong kon ang teknolohiya gigamit sa dili maayo nga paagi. Kinahanglan nga kita dili motugot bisan ang maayong mga paggamit sa social media nga mohawod sa maayo ug labing maayo nga mga paggamit sa atong oras, kusog, ug mga kapanguhaan.”
-
“Dili kinahanglan nga kita mahimong mga eksperto o mga panatiko sa social media. Ug kita dili kinahanglan nga mogahin og hilabihan kadako nga oras sa paghimo ug sa pagpakaylap og maayong pagkahimo nga mga mensahe.”