Mga Ideya sa Family Home Evening

“Unsaon sa Pagkab-ot sa Mahangturong mga Tumong,” pahina 60, ug “Ang Lista sa 10 ka Prayoridad ni Abby,” pahina 76: Sa pagsugod sa bag-ong tuig, kamo ug ang inyong pamilya tingali naghunahuna og partikular nga mga tumong nga gusto ninyong makab-ot isip indibidwal ug isip pamilya. Ikonsiderar ang pagbasa sa artikulo ni Sister Rosemary M. Wixom mahitungod sa nag-unang 10 ka tumong sa kinabuhi sa usa ka batan-ong babaye, ug dapita ang inyong mga anak sa pagmugna og ilang lista sa mga tumong. Ang inyong mas magulang nga mga anak makakuha og kaayohan sa usa ka diskusyon diha sa artikulo ni Elder Robert D. Hales kabahin sa mahangturon nga mga tumong ug sa kaimportante sa paghimo og mga plano aron sa pagkab-ut niining mga tumong. Awhaga ang mga sakop sa pamilya sa pagsulat sa ilang mga tumong ug isab-it kini sa dapit nga daling makit-an diha sa inyong panimalay.

“Hagit sa Pagbasa sa Kasulatan sa Bag-ong Tugon,” pahina 66: Ikonsiderar sa pagsugod og buhat sa hagit sa pagbasa sa Bag-ong Tugon isip pamilya. Makasugod mo pinaagi sa paghangyo sa matag sakop sa pamilya sa pagpakigbahin sa ilang paborito nga istorya gikan sa kinabuhi ni Jesukristo. Dayon, isip usa ka pamilya, bisitaha ang gospelart.lds.org o scripturestories.lds.org sa pagpangita og mga video ug artwork nga magamit dungan sa inyong eskedyul sa pagbasa. O ikonsiderar ang pagdrama-drama sa mga eksena gikan sa Bag-ong Tugon samtang nagbasa mo.