Unsa nga Matang sa mga Magtutudlo Kita Mahisama?

Imahe

The resurrected Jesus Christ with the twelve Nephite disciples. Christ is portrayed wearing a white robe. Christ is selecting the three disciples who would become the "Three Nephites." There is a pyramid shaped building in the background.

Ang Tulo Ka Nephite, ni Gary L. Kapp

Si Jesus kasagaran nagtudlo pinaagi sa mga pangutana ug mga pagdapit. Ikonsiderar ang usa ka panig-ingnan gikan sa panahon nga Iyang gigahin kauban ang Iyang mga disipulo didto sa kontinente sa Amerika. Kausa samtang sila nag-ampo, ang Manluluwas mipakita kanila ug makadasig nga pangbukas nga pangutana: “Unsa ang buot ninyo nga Ako mohatag nganha kaninyo?” (3 Nephi 27:2). Unsaon ninyo pagtubag kon ang Manluluwas nangutana ninyo niini?

Ang mga disipulo mitubag: “Ginoo, kami buot unta nga ikaw mosulti kanamo sa ngalan diin kami motawag niini nga simbahan; kay dihay mga panaglalis taliwala sa mga katawhan mahitungod niini nga butang.” (3 Nephi 27:3).

Si Kristo mitubag sa ilang pangutana pinaagi sa pagpangutana: “Wala ba sila magbasa sa mga kasulatan, diin nag-ingon nga kamo kinahanglan modala nganha kaninyo sa ngalan ni Kristo, diin mao ang akong ngalan?” (3 Nephi 27:5). Kini nga pangutana mipahinumdom sa Iyang mga tigkat-on nga sila kinahanglang maningkamot sa pagtubag sa ilang mga pangutana ug ang mga tubag sa daghang mga pangutana makaplagan sa kasulatan.

Dayon siya mitapos pinaagi sa pagpahinumdom sa mga disipulo sa kahulugan sa Iyang ngalan. Ang Iyang mga pulong midapit kanila sa paglihok ug misaad kanila og panalangin: “Ug bisan kinsa nga modala nganha kaniya sa akong ngalan, ug molahutay hangtud sa katapusan, ang mao maluwas sa katapusan nga adlaw” (3 Nephi 27:6).

Niining mubo nga mga bersikulo, si Jesukristo mihatag kanato og balaanong sumbanan sa pagtudlo. Iyang gisugdan sa makapahunahuna nga pangutana nga gituyo sa pag-ila sa mga panginahanglan sa Iyang mga tigkat-on. Dayon siya naghulat ug naminaw sa ilang mga tubag.

Human mitubag ang Iyang mga tigkat-on, Iya silang gitabangan nga matubag ang ilang pangutana pinaagi sa paggiya kanila ngadto sa kasulatan.

Sa katapusan, Siya mihatag og duha ka pagdapit ug misaad og talagsaong panalangin niadtong andam nga mosunod sa Iyang pagdapit. Ang pamaagi sa pagtudlo ni Kristo niining higayuna mahimong ma-summarize niining lima ka baruganan:

Imahe

The resurrected Jesus Christ with His arms around the shoulder of the apostle Peter. Christ points to a large number of fish lying on the beach as He speaks to Peter. Two other men and a ship sit on the beach in thebackground.

Gihigugma Mo Ba Ako Labaw Pa Niini? ni David Lindsley

Kita usab kinahanglang magtudlo uban sa gugma ug gugmang putli kon kita motudlo sumala sa pamaagi sa Manluluwas. Ang gugma makabukas sa kasingkasing sa magtutudlo ug sa tigkat-on, aron ang “duha [mahimong] makadawat og kaayohan ug maglipay nga maghiusa” (D&P 50:22).

Usa ka klaro nga ehemplo sa gugma sa Manluluwas alang sa Iyang mga tigkat-on makita diha sa 3 Nephi diin Siya nag-ampo, nagbangutan, ug nagpanalangin sa mga katawhan. Samtang Siya nag-ampo sa Amahan para kanila, ang mga Nephite mibati sa Iyang gugma: “Walay usa nga nakasabut sa kalipay nga mipuno sa among mga kalag sa panahon nga kami nakadungog kaniya nga nag-ampo alang kanamo ngadto sa Amahan” (3 Nephi 17:17).

Sa kalipay mihilak alang kanila ug mipanalangin kanila sa ilang hugot nga pagtuo, dako gyud kaayo ang Iyang gugma:

“Bulahan kamo tungod sa inyong hugot nga pagtuo. Ug karon tan-awa, ang akong hingpit nga kalipay nabug-os.

“Ug sa diha nga siya nakalitok na niini nga mga pulong, siya mihilak” (3 Nephi 17:20–21).

Ang dako nga gugma makapahimo og dakong pagkat-on. Narekord sa kasulatan nga ang “iyang panagway mipahiyom diha kanila” ug “ang ilang mga kasingkasing nabukas ug sila nakasabut diha sa ilang mga kasingkasing” (3 Nephi 19:25, 33).

Ang Manluluwas mihatag usab sa Iyang mga tigkat-on sa oportunidad sa pagpakigbahin sa ilang mga pagpamatuod. Sama pananglit, “Sa pag-abut ni Jesus sa kayutaan sa Cesarea ni Filipo, ang iyang mga tinun-an gipangutana niya, nga nag-ingon, Sumala sa sulti sa mga tawo kinsa man kono ang Anak sa Tawo? …

“Ug sila miingon kaniya, Ang uban nagaingon nga si Juan nga Bautista kono: ang uban nagaingon nga si Elias kono; ug ang uban nga si Jeremias kono, o usa sa mga propeta.

“Siya miingon kanila, Apan kamo unsa may inyong sulti kinsa man ako?

“Si Simon Pedro mitubag nga nag-ingon, Ikaw mao ang Kristo, ang Anak sa Dios nga buhi” (Mateo 16:13–16).

Human si Pedro mipakigbahin sa iyang pagpamatuod, si Kristo mihatag og talagsaon kaayo nga panalangin ngadto kaniya:

“Dalaygon ikaw, Simon Barjona: kay wala kini ipadayag kanimog tawo, kondili gipadayag kini kanimo, sa akong Amahan nga anaa sa langit.

“Ug sultihan ko ikaw, nga ikaw mao si Pedro, ug sa ibabaw niining bato pagatukoron ko ang akong iglesia; ug ang mga gahum sa kamatayon dili gayud makabuntog kaniya.

“Ug hatagan ko ikaw sa mga yawe sa gingharian sa langit: ug bisan unsay imong pagabugkuson dinhi sa yuta, didto sa langit pagailhon kini nga binugkos: ug bisan unsay imong pagaluagan dinhi sa yuta, didto sa langit pagailhon kini nga linuagan” (Mateo 16:17–19).

Sa paningkamot nga mahimong gamhanan nga mga magtutudlo, kita usab makapangutana og daghan nga modasig sa mga tigkat-on sa pagpakigbahin sa ilang mga pagpamatuod, sa pulong ug sa ilang mga kasingkasing. Kita makadapit sa atong tigkat-on sa pagtinguha og personal nga mga kasinatian nga makapalambo sa pagpamatuod sa ilang inadlaw-adlaw nga kinabuhi. Dayon, kon ang palibut sa klasrom o sa panimalay angay sa espiritu, ang atong mga tigkat-on mobati nga komportable sa pagpakigbahin sa espirituhanong mga kasinatian ug mga pagpamatuod ngadto sa usag usa.

Si Jesukristo nag-awhag sa uban sa pagbuhat sa mga butang nga Iyang gipangbuhat (tan-awa sa 3 Nephi 27:21)—sa pagsunod Kaniya (tan-awa sa Mateo 4:19). Siya mibuhat unsay Iyang gitudlo, ug sa ingon nagtudlo pinaagi sa ehemplo.

Siya mitudlo sa serbisyo pinaagi sa pagserbisyo. Pagkadako nga leksyon niini para sa Iyang mga disipulo samtang Iyang gihugasan ang ilang mga tiil! “Ug kon ako nga inyong Ginoo ug Magtutudlo nanghugas man gani sa inyong mga tiil; nan, kamo usab kinahanglan maghinugasay sa inyong mga tiil; ang usa sa usa.

“Kay usa ka panig-ingnan ang akong gihatag kaninyo, aron nga kamo usab kinahanglan magabuhat sama sa akong gibuhat kaninyo” (Juan 13:14–15).

Siya mitudlo kabahin sa gugma pinaagi sa paghigugma. “Ako magahatag kaninyog bag-ong sugo, nga kinahanglan maghigugmaay kamo ang usa sa usa; maingon nga Ako nahigugma kaninyo, kinahanglan maghigugmaay usab kamo ang usa sa usa” (Juan 13:34).

Siya mitudlo kabahin sa pag-ampo pinaagi sa pag-ampo. Human sa hilabihan ka personal ug sagrado kaayo nga pag-ampo nga kini dili mahimong irekord, Siya miingon, “Ug ingon nga ako nag-ampo uban kaninyo mao usab kamo mag-ampo diha sa akong simbahan. … Tan-awa Ako mao ang kahayag; Ako nagpakita og usa ka panig-ingnan alang kaninyo” (3 Nephi 18:16).

Si Jesukristo mihatag og sumbanan alang sa tanang magtutudlo sa ebanghelyo kinsa nagtinguha sa pagtudlo sumala sa Iyang paagi. Ingon nga dili hingpit sama Kaniya, kita maningkamot sa pagsunod sa unsay atong gitudlo. Sa mga pulong sa awit sa mga bata, ang mga magtutudlo kinahanglang makasulti, “Sunda ni ninyo; ang gibuhat ko!”²

Tanan nga mga magtutudlo sa ebanghelyo gidapit sa pagsunod sa mosunod nga unom ka mahinungdanong mga baruganan, nga nagpakita sa paagi nga ang Manluluwas mitudlo:

Samtang atong gamiton kini nga mga baruganan, kita mahimong mas maayo nga mga magtutudlo, mas maayo nga mga tigkat-on, mas maayo nga mga ginikanan, ug mas maayo nga mga disipulo ni Jesukristo. Kay Siya nagsugo kanato nga “motudlo sa usag usa” nga “makugihon,” sa paaagi “nga tanan unta mahatagan og kaayohan sa tanan” (D&P 88:77, 78, 122). Unta kadtong atong gitudloan makakita og tipik sa Gamhanan nga Magtutudlo ngari kanato ug makaangkon og kasinatian nga wala lang mapahibalo, apan nausab.