Tabangi Kami!
Matag adlaw, ang mga bata sa tibuok kalibutan nagpakita nga sila naghunahuna pinaagi sa pagpangita og mga paagi sa pagtabang sa uban!
Mga Sopas ug mga MOnyika
Ang among pamilya adunay “panahon sa pagserbisyo.” Ang akong mga igsoon ug ako mihimo og mga puppet alang sa mga bata sa balay sa mga ilo. Nagdala usab kami og mga chocolate chip cookie ngadto sa pipila ka bombero ug nanglimpyo sa linaw. Nalipay ko nga kami nakaserbisyo!
Tobin P., edad 9, Idaho, USA
Malipayon nga mga Kanta
Sa among espesyal nga adlaw sa pagserbisyo mibisita kami og usa ka sentro sa mga tawo nga gitabangan. Sa dihang nagsugod kami sa pagkanta og kanta sa Primary ug sa ubang mga kanta, ang mga tawo misugod sa pagpakpak ug misunod sa pagpanganta. Pipila gani nila misayaw! Migakos mi nila ug mibilin og mga kard nga among gihimo alang kanila.
Leiria District, Portugal
Mas Maayo kay sa Pasko
Ang akong mama ug papa gikapoy sa trabaho sa tibuok adlaw. Gihugasan ug gihipos nako ang mga plato ug gilimpyohan ang salog, lamesa, ug counter. Dayon akong gilimpyohan ang sala ug ang dulaanan nga kwarto. Sa dihang ang akong mama ug papa mimata, miingon sila nga mas maayo pa kini kay sa Pasko!
Cambrie G., edad 11, Georgia, USA
Proyekto nga Sock Box
Ang mga tawo nga walay mga pinuy-anan tugnawon pag-ayo sa panahon sa tingtugnaw! Nakahukom kami sa pagkolekta og mainit nga mga medyas alang sa mga tawo nga walay pinuy-anan sa among dapit. Ang batan-ong mga lalaki ug mga babaye mitabang, ug sa wala madugay ang among kahon sa medyas nag-awas sa gatusan ka mga medyas alang sa walay mga panimalay!
Alberta, Canada