Hili e Moʻui Fakamatelié

ʻOku ʻuhinga ʻa e hili e moʻui fakamatelié ki he vahaʻa taimi ʻo ʻetau moʻui taʻengatá ʻa ia ʻoku kamata hili ʻetau maté.

Naʻe teuteuʻi ʻe he Tamai Hēvaní ha palani maʻa hotau fakamoʻuí. Naʻá Ne ʻomi kitautolu mei Hono ʻaó ko ha konga ʻo e palani ko ʻení, ke tau moʻui ʻi he māmaní ʻo maʻu ʻa e ngaahi sino fakamatelie ʻo e kakano mo e toto. ʻE iku ʻo mate ʻa hotau sino fakamatelié, pea ʻe ʻalu ʻa hotau laumālié ki he maama tataliʻanga ʻo e ngaahi laumālié. Ko e maama tataliʻanga ʻo e ngaahi laumālié ko ha feituʻu talitali, ngāue, ako, pea ki he kau angatonú, ko ha mālōlōʻanga ia mei he hohaʻá mo e mamahí. ʻE nofo ai hotau laumālié kae ʻoua kuo tau mateuteu ke tau toetuʻu. ʻI he taimi ʻo e toetuʻú, ʻe toe fakataha hotau laumālié mo e sinó, pea ʻe fakamaauʻi kitautolu pea tali ki ha puleʻanga ʻo e nāunau. Ko e nāunau te tau maʻú ʻe makatuʻunga ia ʻi he loloto ʻo ʻetau uluí mo ʻetau talangofua ki he ngaahi fekau ʻa e ʻEikí. ʻE makatuʻunga ia ʻi he founga ne tau “maʻu [ai] e fakamoʻoni ʻo Sīsuú” (Tokāteline mo e Ngaahi Fuakava 76:51; vakai foki, 76:74, 79, 101).

Lekooti e Ngaahi Ongo ʻOkú ke Maʻú