Vahehongofulú
Kapau ʻokú ke fekumi ki he Vahehongofulú mo e Ngaahi Foakí ʻi he ʻInitanetí, kātaki ʻo lomiʻi heni.
Vakai Fakalūkufuá
‘Oku hā ʻi he Tohi Tapú naʻe muimui ʻa e kakai ʻo e ʻOtuá ki he fono ʻo e vahehongofulu fakakuongamuʻá; naʻe toe fakafoki mai ʻe he ʻOtuá ʻa e fono ko ʻení ʻo fakafou ʻi he kau palōfita ʻi onopōní, ke faitāpuekina ʻa ʻEne fānaú. Ke fakahoko e fekaú ni, ʻoku foaki ʻe he kāingalotu ʻo e Siasí ha vahehongofulu ʻe taha ʻo ʻenau paʻanga hū maí ki he ʻEikí ʻo fakafou ʻi Hono Siasí. ‘Oku fakaʻaongaʻi ʻa e paʻanga ko ʻení ke langa hake ʻaki ʻa e Siasí mo paotoloaki e ngāue ʻa e ʻEikí ʻi he funga ʻo e māmaní.
Ko e taha ‘o e ngaahi tāpuaki ʻo e kau ko ia ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimu Ní, ko e faingamālie ko ia ke totongi vahehongofulú. Ko e faingamālie ko ʻení ko ha tāpuaki ia ʻoku liunga ua. ʻI hono totongi ʻo e vahehongofulú, ʻoku fakahā ai ʻe he kāingalotu ʻo e Siasí ʻa ʻenau houngaʻia ki he ʻOtuá koeʻuhi ko honau ngaahi tāpuakí mo ʻenau fakapapau ke falala ki he ʻEikí kae ʻikai ko e ngaahi meʻa fakaemāmaní. ʻOku nau tokoni foki ke paotoloaki ʻa e ngāue ʻa e ʻEikí ʻi he māmaní, ʻo faitāpuekina ʻa e niʻihi ʻo e fānau ʻa e ʻOtuá ʻaki e faingamālie ke ako ʻo kau kiate Ia mo tupulaki ʻi he ongoongoleleí.
Kuo ‘iloa ʻa e vahehongofulú talu mei he ngaahi kuonga ʻo e Fuakava Motuʻá. Hangē ko ʻení, ʻoku lekooti ʻi he Sēnesi 14:17–20 naʻe totongi vahehongofulu ʻa ʻĒpalahame kia Melekisēteki.
Na‘e folofola ʻa e ʻEikí ʻo fakafou ʻi he palōfita ko Malakaí:
“Mou ʻomi ʻa e ngaahi vahehongofulu ʻo e meʻá ki he tukunga koloá, koeʻuhi ke ai ha meʻakai ʻi hoku falé, pea mou ʻahiʻahi ai au, ʻoku pehē ʻe [he ʻEikí], ʻo e ngaahi kautau, pe te u fakaava ʻa e ngaahi matapā ʻo e langí pe ʻikai, peá u lilingi hifo kiate kimoutolu ha tāpuaki, ʻe ʻikai ha potu ʻe faʻa hao ia ki ai” (Malakai 3:10).
ʻOku foaki ʻe he kāingalotu ʻo e Siasí ʻenau ngaahi foaki vahehongofulú ki he kau taki fakalotofonuá. ʻOku ʻave fakahangatonu ʻe he kau taki fakalotofonua ko ʻení ʻa e paʻanga vahehongofulú ki he hetikuota ʻo e Siasí, ʻa ia ʻoku fakakaukauʻi ai ʻe ha fakataha alēlea ʻa e ngaahi founga pau ke fakaʻaongaʻi ai ʻa e paʻanga toputapu ko ʻení. ʻOku kau ki he fakataha alēlea ko ʻení ʻa e Kau Palesitenisī ʻUluakí, Kōlomu ʻo e Kau ʻAposetolo ʻe Toko Hongofulu Mā Uá, mo e Kau Pīsopeliki Pulé. ʻI heʻenau ngāue fakatatau ki he fakahaá, ʻoku nau fakahoko ʻa e ngaahi filí ʻo fakatatau ki hono tataki kinautolu ʻe he ʻEikí. (Vakai Tokāteline mo e Ngaahi Fuakava 120:1.)
‘Oku fakaʻaongaʻi maʻu pē ʻa e paʻanga vahehongofulú ki he ngaahi taumuʻa ʻa e ʻEikí—ke langa mo tauhi ʻaki ʻa e ngaahi temipalé mo e ngaahi ʻapisiasí, poupouʻi ʻa e ngāue fakafaifekaú, akoʻi ʻa e kāingalotu ʻo e Siasí, mo fakahoko ʻa e ngāue ʻa e ʻEikí ʻi he funga ʻo e māmaní.
Hangē pē ko e kāingalotu ʻo e ngaahi tui fakalotu kehé, ʻoku tui ʻa e Kau Māʻoniʻoni ʻi he Ngaahi ʻaho Kimui Ní ʻoku fakahaaʻi ʻe he totongi vahehongofulú ʻa e houngaʻia ki he ʻOtuá mo ʻomi ha ngaahi tāpuaki fakalaumālie mo fakatuʻasino fakatouʻosi.
Ngaahi Tefito Fekauʻakí
Ngaahi Folofolá
Ngaahi Fakamoʻoni Fakafolofolá
Ngaahi Maʻuʻanga Tokoni Ako Folofolá
-
Fakahinohino ki he Ngaahi Folofolá, “Vahehongofulú”
Ngaahi Pōpoaki mei he Kau Taki ʻo e Siasí
Ngaahi Vitioó;
“The Widow’s Mites”
Ngaahi Maʻuʻanga Tokoni Fakaakó
ʻŪ Makasini ʻa e Siasí
Jane McBride Choate, “First Things First,” Friend, Nōvema 2016
David Erland Isaksen, “Naʻe ʻIkai Lava ke Fakatatali ʻEku Vahehongofulú,” Liahona, Fēpueli 2011
Oscar Alfredo Benavides, “Ko e Vahehongofulu Kakató, Ko ha Tāpuaki Lahi,” Liahona, Fēpueli 2011
Joshua J. Perkey, “Ko Hono ʻIlo ʻo e ʻEikí ʻi Tongá,” Liahona, Sepitema 2010
Te Kuang Ko, “ʻOku Muimui Mai e Ngaahi Tāpuakí ʻi he Talangofuá,” Liahona, ʻAokosi 2010
Hildo Rosillo Flores, “Kuó u Kaihaʻa Nai mei he ʻOtuá?” Liahona, Fēpueli 2010
Patricia R. Jones, “Learning God’s Law,” Liahona, ʻEpeleli 2007
Charlotte Arnold, “Groceries or Tithing?” Ensign, ʻEpeleli 2006
Don L. Searle, “One Family’s Testimony of Tithing,” Ensign, Tīsema 2005
Ana Cristina Merino Rivas, “Not Enough for Tithing?” Ensign, ʻOkatopa 2005
“Where Does Tithing Go?” Liahona, Sepitema 2005
Sarah Westbrook, “My Tithing Tire,” Ensign, Sune 2005
“Not Room Enough to Receive It,” Ensign, Tīsema 2003
Jennifer M. Severino, “Paying Tithing,” Liahona, Tīsema 2002
C. Elmer Black Jr., “Teaching Our Children to Pay Tithing,” Liahona, Tīsema 2001
“Questions and Answers,” Liahona, Sune 2001
Ngaahi Tohi Lēsoni Akó
Ngaahi Akonaki ʻa e Kau Palesiteni ʻo e Siasí
Ngaahi Talanoá
Ngaahi Maʻuʻanga Tokoni Ki Hono Akoʻí
Ngaahi Fokotuʻutuʻu Ki Hono Akoʻí
Ngaahi Talanoa mo e Ngaahi ʻEkitivitī ki hono Akoʻi ʻo e Fānaú
“Vahehongofulú,” Lēsoni Tokoni ki hono Akoʻi ʻo e Fānaú