INAOMATAM N RINERINE AO BUKINAM N AM BEKU
Ietan Naang
Rinea te raoiroi ao te kakukurei, e aki kanganne bwa tera mwiin te mwakuri. Ko na bukinaki ibukin am rinerine ake ko karaoi. Karikirakea am konabwai ao am taarena, ao kabonganai ibukin ae raoiroi. Totokoa te taningaroti ao ko na tatauraoi ni mwakuri korakora.
N te tai ae aki maan n nako I karekea au tai ni kiba n te waanikiba ae uarereke. Ngke ti a katauraoira bwa ti nang toka, e titirakina te bwairati temanna te bwatintia bwa te rieta ra ae ti na kiba iai. E katerea bwa ti na bon kiba n 9,500 te buuti (2,900 te miita). E taku, “Anne e na bon karokoira teutana ietan naang.” Imwiina e manga kabwarabwara, “Ngkana ti kiba iaan taian nang, e na aobuaka, ma ngkana ti kona n rinanon taian nang ao n toka iaoia, e na nakoraoi mwanangara.”
Bon te iango ae e na bon koaua. Ibukira n te waanikiba anne, e na bon tangira teutana riki te korakora, teutana riki te bwaa, ao teutana riki te ruru bwa ti na rinanon taian nang. Ma ngkana ti kitana te angibuaka, ao te mwananga, n angiin te tai are imwina, e na bon nakoraoi. Ma e ngae ngke iai te angibuaka ae uarereke ao kainnanoan te bwairati bwa e na katabea ni bwenakin te kiba, e boni kamwengaraoa te kiba.
Imwiina I iangoa aron ana taeka te bwairati: “Ngkana ti kona n rinanon taian nang ao n toka iaoia, ti na karekea te buti ae nakoraoi riki.” Iangoia bwa mwaitira aekan aei ae kaineti nakon te maiu aei. Ngkai ti maeka n te maiu ae mamate, e angi riki te buakaka ao te aro ae aki riai ae buakaka ae ti riai n riaona bwa ti na maiuakina maiun te Aomata Ae Itiaki. Ngkanne ti na kona ni karekea te Tamnei iroura man namakina kakukurein te rau are e tauraoi ibukira. E tangira te korakora, te nano ni kekeiaki mwaaka, te ninikoria, ao ai karaoan rinerine aika eti ibukira bwa ti na riaon te kamangaongao ma kataaki ake a katobibira. Te kamangaongao anne e irianaki n taiani kammaira aika katobibira rinanon taian kaongora. E raonaki n te bwarannano, te rawawata, ao te kataaki n arora n aomata.” (Motiaea 3:19).
Ma ngkana ti kammwakuri inaomatara n rinerine, ao ni- maiuakin anua aika tamaroa ake ti anganaki man te Moan Beretitentii aika oti inanon Ibukin Kakorakoraia Kairake, ti mwakuri korakora ma te taratara raoi n te bong teuana ma teuana bwa ti na tokanikai iaon bwain te aonaaba, butira n te maiu aei e na rangi ni kakukurei riki. Ti na kona n namakina te rau iaon kawaira, man roko inanon te mweenga raoi n tokin kawaira.
E aki nanonaki bwa e na aki kakanoa ke n rau raoi te buti. Tiaki anne te berita, ma e na iai te kataaki inanon te mwananga, ae e na kainnanoa te taratara raoi ma te aki tabwara inanon waakin te mwangana. Ai ngaia are, man rinean ana itera te Uea, ti kona n tokanikai iaon taian kataaki ni maiura n rabwata, ao anne are e na kamatoa nakoira te rau ao te kakukurei inanon te maiu aei ao te maiu are e na roko.