Babaire ibukin Taai Aika A Na Roko

I oki man au mwakuri ni mitinare ma te kaantaninga ae bati ibukin te mwakuri. E ngae ngke I a tia ni mwakuri mai imwaaina, bon akea au konabwai, ai ngaia are I karaoa are I kona ni kakaea ibukin au mwakuri, ma I aki rauaki ao I aki noora te rikirake irou nakon taai aika a na roko.

I tangiria n taainako ni kamatebwai, ma I aki kona ni kabooa reireiu, ao au utu akea aia aanga are a na kona iai ni buokai.

Ngke e a waaki te Mwane n Reirei N Aki Toki, I noora te tibwanga ni bita arou inanon taai aika a na roko. I onimaki iroun Tamau are i Karawa bwa e na buokai, ai ngaia are I a rinea te reirei ae N na karaoia man Ana kairiiri.

I rineia bwa N na kamatebwai iaon te nakoa n neeti. Reireiu e tangira te kamatebwai ae e rangi ni bati ao te nanomwaaka. E rikirake ungannanou n te nakoa n neeti. Teniua namwakaina imwiin reken au beeba, e reke au mwakuri n teuana naba te kabanea n tamaroa n onaoraki i Alagoas, Brazil.

A bati au babaire ibukin taai aika a na roko. I baireia bwa N na anaa te rinan n reirei ae raka riki ibukin te nakoa n neeti, ao I moana kabwakaan au tangomwane bwa aonga tabeman ni karekea tibwangaia ni karekean te reirei ao te kakabwaia are e na roko mai iai.