TAIAN KAKI MOTOTO
Ana ka-100 ni Bootaki n Taromauri te LDS n Riki i Taiwan
Imwin kabobongan te bootaki ae Mingchien ni Mei 2008, e karekea ngkai te Ekaretia i Taiwan 100 te bootaki n taromauri. Mingchien bon te kawa ae uareereke i nukan Taiwan. 100 te bootaki e tabe ibukin ae e kaniia 50,000 aika kaain te Ekaretia.
A roko moan mitinare ni banen 1950, ao a aki toki mitinare ni katabeaki ni kaira te bootaki n taromauri. Ni boong aikai taan kairiiri a roko man aia rinan bon kain te aba.
Te Maungatabu ni Kareke Rongorongo I Buranti E Karekea Te Itoman, ao Tibwauaan Te Euangkerio
Taan kairiiri n te titeiki i Lyon, France, a baronga te maungatabu ni kareke rongorongo ibukin te rinan ara ae e boou n te FamilySearch. A kabongana Mei 13, 2008, te tai n uota tuan te Ekaretia nakon aia atatai taan koro-karaki n te aba, ao taan kairiiri n te botanaomata ngkai a kabwarabwara kakawakin rongorongon te utu inanon maiuia kaain te Ekaretia ao moan tuan utu aika akea tokiia. “Naake a iri a bon rangi n rootaki iai,” e taekinna Daniel Mocellin, te Beretitenti n te Lyon France Titeiki.
Danish, Dutch, Hungarian te Tenua e Tauraoi iaon Online
Kiibu n te Danish, Dutch, ao Hungarian n te ikotaki n te tenua a tauraoi ngkai iaon te rain n te http://scriptures.lds.org. Te rain anne n te ikotaki n te tenua e karekei taeka inano, e buoka te kamatebwai, mwabe, banna, ao te kona ni mwaakeni koroboki aika tabu. Ni buokiia riki kaain te Ekaretia ni karekei koroboki aika tabu, e a tia te Ekaretia ni kaman karini kibun taeka n te tenua online n te English, French, German, Italian, Portuguese, ao Spanish. Taian koroboki aika tabu n te LDS a moanaki karairakakia ngkai ibukin kabonganakiia iaon te rain n raka iaon uabwi ma aua taetae.
Te Bootaki n Aine e Kabanea te Wiikente n te Mwakuri
Kaain te Botaki n Aine n te Fountain Colorado Titeiki i Colorado Springs, Colorado, USA, a kabanea te kauoua ni wiikente inanon Mei n tao, ao n tianibeeba, n itutu ao ni mwakuri. Imwin te bwaintangiran te rara nakon bwangken te rara n te aba, taari n te Botaki n Aine a ikoti 200 taian bwai ni mengaraoi ao ni kabeai ni baia 40 rabuna aika kunin te tiibu ibukin te Kaibangaki ae Uraura n te aba.
A bwaintangiraa naba ae raka iaon 500 bwain takakaro aika auti kaai, 25 rabunan kainiwene, ao 82 taore nakon ana Humanitarian Tienta te Ekaretia n raonaki ma 187 bwaai ni kunnikai aika boou.
Ibukin kaongoakim iaon bwaintangira nakon te Humanitarian Services, kawara www.lds.org/ humanitarianservices ke taetae nakon 1-801-240-5954.