Ko na Kanga n Anga

Bon tain te kabuebue. E mate tinau ni moantaai n te bwakantaai. Tamau, tariu, ao Ngai ti bane n nako man te onaoraki nakon mweengaia ara utu, bon ti ngaira teniman. Ti karaoa kanara ae ti te kabuki; ao imwina ti a marooro ma ara iruwa. E moanna ni bwakanako te tai, e moanna n ro, ao I uringnga bwa ti tuai man kaurai taian taura.

E kaeka tangin beeron ara mataroa Tamau. Bon ai tinau Catherine ao ai tamau Bill. I kona n noria bwa ai tamau Bill e taua bwatoron te tieeri. I kona n noora te uraura ae turuturu, ae kuri n ai aron te beeboro (purple) taian tieeri ao raneanean koraan matan te bwatoro n tiaeki. E taku, “Ko bon bae ni kukurei ni baikai. Tao ko bon bae n tuai ni kana am kabanea n amwarake ae e karewerewe.”

Ti bon tuai. Ti a tekateka ngaira ake teniman ni katomimia te taibora n amwarake, ti nnei taian tieeri n te boora ao ni kani ngkai ai tamau Bill ao ai tinau Catherine a kaitiaki taian bwain amwarake.

N aron ae I kona n taekinna, te anga nako ao karekean te bwaintangira ae e kakawaki n tainako bon iai teniua mwakorona. Aikai ngkanne baikanne, a kabwarabwaraki aroia man te bwaintangira are te tieeri.

Te moan, I ataia bwa ai tamau Bill ao ai tinau Catherine a namakina te bwai are I namakinna. A bae naba n namakina ae ti bae ni kua ni karaoa te amwarake ae e mwaiti. A namakinna bwa te tieeri ae karaoaki man te mweenga e na karekea iroura te namakin, n te tai anne, bwa manga te utu ngaira. I aki kona n uringa aron kanakin te tieeri, ma I uringnga bwa temanna e ata aron nanokawaku ma maraku ao a tabeakinna.

Te kauoua, I namakina te bwaintangira ae akea boona. I ataia bwa ai tamau Bill ao ai tinau Catherine a tia n rinea te bwai ae akea boona n uotia bwa aia bwaintangira. E tara n ae te bwaintangira e a tia ni karekea nakoia te kimwareirei ngke a anganako.

Te katenua, ana iai te anganano. I ataia bwa ai tinau Catherine e a tia n kanoai taian tieeri ibukiia ana utu. A bae n tatangira te tieeri. Ma e ana te kukurei are a na kona ni karekea irouia ao a anganai. Anne bon te anganano. Ma I ataia imwina bwa te kantaninga ae e kamimi: e tara n ae ai tamau Bill ao ai tinau Catherine a kukurei riki ngkana I karekea te tieeri nakon are a kamanena.

Te anga bwaintangira ae e tamaroa e irekereke ma bwaai aika teniua: ko namakinna bwa tera are a namakinna tabeman, n anga n akea boona, ao wareka te anganano bwa te bwai ae aki warekaki.

Te Atua te Tama e anga Natina, ao Iesu Kristo e anganiira te Mwakuri ni Kamaiu—te bwaintangira ae akea tiana ao moan te kakawaki ibukira. E anga Iesu ana bwaintangira n akea boona, ma nanona ni koaua nakoira. Teuana mai buakon kanikina iroun te aomata are e kariaia te bwaintangira ibukin Ana Mwakuri ni Kamaiu te Tia Kamaiu bon te tauraoi n anga nako.