“Aio te tai ae tamaroa ni maeka iaon te aonaaba. A aki kimototo tibwangara iai. Ngkana iai bwaai aika a kairua n te aonaaba n te tai aei, iai naba bwaai aika bati aika a eti, n aroia taan reirei aika a angareirei, mitinare aika a reirei, taian mare aika a koro nanoia, kaaro aika a anganano, ao raao aika ibuobuoki.

“Ti kona ni karikirakei arora, ao ni karikirakei aroia naba tabemwaang, ngkana ti aki kan tiku n tautaekanaki ni iango aika aki raraoi bwa ti kabwebwerakei inanora anua ni kakaitau. Ngkana e na warekaki te aki kakaitau ibuakon buure aika korakora, ngkanne te kakaitau e na iai nnena ibuakon taian katei aika mimitong… .

“… Ti na kaota ara kakaitau ibukin ara Uea ao ara Tia Kamaiu, Iesu Kristo. Ana Euangkerio ae tamaroa e kaekai titiraki aika kakaawaki n te maiu aei: Ti roko mai ia? Ibukin tera ngkai ti mena ikai? E na nako ia tamneiu ngkana I mate?”

Beretitenti Thomas S. Monson, “An Attitude of Gratitude,” Riaona, Meei 2004, 4, 8.