TE MWAKURI NI IBUOBUOKI NAKOIA TABEMAN
Buokiia tabeman inanon mwiokoam n am Ekaretia ao inanon mweengam, am reirei, ao am kaawa. Ukoukora ana iraorao te Tamnei ae Raoiroi ni katoa bong bwa ko na ataia bwa antai ae ko na buokia ao ko na kanga ni buokiia ni kainnanoiia.
E reirei te uea ae Beniamina, “Ngkana kam beku ibukiia raomi ao kam bon beku naba iroun Atuami.” (Motiaea 2:17). Iai kawai aika a bati ibukin buokaia tabeman, ma te nano ni koaua ao te tangira bon te kiing. Aikai tabeua koaua ao tabeka iaon aron te mwakuri ni ibuobuoki:
-
Tai mwaninga ae te mwakuri ni ibuobuoki nakon am utu bon te moan bwai.
-
Karaoa am mwakuri ni ibuobuoki bwa e na tobwa kainnanoia aomata nako. Iangoa te bwai ae tao e na tangiria temanna, e na kukurei iai, ke e na kainnanoia.
-
Kateimatoa beebeten te mwakuri ni ibuobuoki n te waaki ni kakukurei, ao kariniia tabeman bwa a na baaire ao ni waakina karaoana.
-
Te moangare, te anua ae kaungaunga, te kakauongo, te taeka ni kamoamoa, ao mwakuri n akoi aika a raba bon aekan nako mwakuri ni ibuobuoki aika a kakaawaki.
-
Uringnga ao anga te reirei are e kaotaki ni Motiaea 4:21. Tibwaia ma te akoi nakoia tabemwaang.