Ibuobuoki Ao Ko na Kukurei

E ngurengure Jonathon ngke e tabe n tamarakea te ka ni kan nakon tarina, … E tangiria ni kan tiku Mike ni mweengaia ao n takakaro n ana takakaro ae e boou are e anganaki ni koron ana ririki n te wiiki ae e nako. Ma tinana e kairoroa bwa ana bane n nako n te auti ni bootaki ao ni ibuobuoki n tain ana bong ni kaitiaki te uoote.

“Bukin tera bwa ti na nako? “E titiraki Jonathan nakon tinana ngke e tabe ni buoka tinana ni katoka te bwai ni kaitiaki nako aon te ka.

“E na bon kaunga, e kaeka, ma te moangare. “Irarikina, ngaira ni kabane ti kamanena te auti ni bobotaki. E bon eti bwa ti na ibuobuoki ni kaitiakia man te tai teuana nakon teuana.”

Jonathan e taratara nako tinaniku ao n taratarai auti ao kaai ake a kitan ngke a tabe ni buti nakon ana tabo te aro. Ngke e a katea te ka tinana n ana tabo te aro are a katukaki iai taian ka, e kubanako Jonathan n nora te Tari Lawson ni katea ana ka irarikiia.

“Tera ae karaoia te Tari Lawson ikai?” E miimi Jonathan.

E a tia n aoraki Te Tari Lawson n tai aikai n rinanin te kaentia ae te kaentia n te rara (leukemia). E a tia ni mena n te onaoraki inanon te tai ae e maan. E uringiia ana karo Jonathan ni kaunga Mike ao ngaia bwa a na tataro ibukin te Tari Lawson n aia tataro i bon irouia ao n aia tataro ni utu. E bon tuai man okira mwengana n te tai ae e maan te Tari Lawson man te onaoraki n okira mweengana.

Jonathan E bon tatangira te Tari Lawson. E ikawai riki nakon tibun Jonathan aika mwaane, ma e otinako ni kawara Jonathan ni kataetaea ao n titirakinna ibukin ana reirei ao ana tiim n takakaro. N te taina e bon roko n nora ana takakaro teuana Jonathan.

Ngke e ruo rikaaki Jonathan man te ka, te Tari Lawson e kateitea baina nakoina ao n taku, “Mauri Jonathan.” Te Tari Lawson e nakon bukin ana ka ao n ana te bwai ni kaitiaki man ruun ana ka are i buki.Ni karaurau n nakonako,e kookoka te bwai ni kaitiaki nako nanon te umwantabu.

“Jonathan,” e weteia tinana, “ko kona ni buokai n te bwai aei?” E rangini korakai ni katika te bwai ni kaitiaki mai ibukin ana ka.

“Ngaia, Tinau,” e kaeka Jonathan. E buoka tinana ni katika te bwai ni kaitiaki ni kaotinakoa mai ibukin ana ka ao ni kawaekoa ni kokokia riaon aia tabo n tei taian ka.

Inanon te tairiki anne Jonathan ao Mike a mwakuri irarikin te Tari Lawson. Ni mwaitin te tai e rootaki n te kua Jonathan ao e tei ni katoka kuana, ma e ataia bwa Tari Lawson e bon waaki nako ni mwakuri. Ao e matangare! “E rang n tikiraoi te kona ni ibuobuoki, tiaki ngaia anne”, E taku Brother Lawson.

E namakina te bitaki Jonathan inanona. “Ngkana te Tari Lawson e kona ni kukurei ngkai e ibuobuoki, ao I bon kona naba, “e iangoia. E waakina ana mwakuri riki ni kakorakora.

“Ko rabwa ngkai ko irai,” e kaeka tinana imwiina ngke a tabe n okira mweengaia.

“Te raoi” e kaeka Jonathan. “I kabwara au bure ngkai I ngurengure ibukin irakim. I aki ataia ae ngaia e na nang mwaiti te bwai ae ko kona n reiakinna man te bwai ni kaitiaki ae toma te bubu.”