TE TAETAE
Kabongana te taetae ae kakukureia tabemwaang, e kaungaiia, ao e kamoamoaiia. Kabongana aran te Atua ao Iesu Kristo ma te karinerine ao te karaurau. Tai kabonganai taetae ke kanikina aika a kamatauninga, a aki riai, ke aika a tangibuaka.
“Te marooro bon kanoan naba te waaki ni kakukurei ae iraorao. E kona ni kakukurei. E kona ni bebete. E kona ni kairoro. E kona ni kamanga. Ma e riai n aki tarikoko, ke ni kamatauninga, ke ni buakaka ngkana temanna ae bon te tia kakoaua raoi ni koaua iroun Kristo… .
“[Temanna] ae riai n okirikaki n taekin taeka aikai e na boni waetata n taekinna bwa e karako ana atatai n nanon taeka. E aki tau mwaitin ana kona ni kabwarabwara raoi are e nanonna ni kan taekinna n aki kabongana te taeka ae kamatauninga ke taeka aika kammaira… .
“Tai taetaebuaka. Tai kamatauninga. Totokoi manikangare aika buakaka. Kararoako man te marooro ae e renganaki ma taeka aika bubuaka ma n aki riai. Ko na boni kukurei riki ngkana ko karaoia, ao arom anne e na angania raom te korakora.”
Beretitenti Gordon B. Hinckley (1910–2008), “Take Not the Name of God in Vain,” Ensign, Nobembwa 1987, 48.