MAROORO NI KAREKE TANGIRA
Tai marooro ni kareke tangira ni karokoa ae ai 16 ami ririki. Marooro ni kareke tangira ma tii naake a taua aron te katei ae rietaata. Ngkana ko moana am marooro ni kareke tangira, karaoia inanon bootaki, ke inanon te uaia ni marooro ni kareke tangira. Bairei waaki ni kakukurei aika a buokiko ni kaan nakon Tamnein te Uea.
Taian kurubu ni marooro ni kareke tangira aika a kabanea n tamaroa a bon baireaki n te aro ni iraorao, ma aki boobuaka ma a rangi ni kaunga. Karaoi waaki aika mwaiti, bwa a kukureia aomata n te waki ae rengarenganaki bwa e karekea nakoia aia tai ni ikikina inanoni kukureia. Tuangiia ami karo, raomi, ke taan kairiiri irouia te roronrikirake ibukin iango ibukin taian kurubu ni marooro ni kareke tangira. Aikai tabeua iango bwa ko aonga ni moanna:
-
Naako neweabai tabo ni karao kanre, tiiti, ke tabeua riki taabo aika a kakaongora.
-
Bairea tain te uaboora n te tairiki, ao katabeia aomata bwa a na uoti amwarake tabeua ke rengarenga ni kuuka.
-
Kawara te tabo ni kaakibotu, ike ko kona iai ni kamwarakeia mannikiba, n ririanna, karekare n te raurau, bwabwatika, ke ni bikiniki.
-
Karekea tain te mwakuri ni ibuobuoki. Iakin aia baanikai kaain rarikim, kaitiaki winto, ke buoka te bwai ae kainnanoa karaoana.
-
Ngkana e a tauraoi am iango ibukin te bwakantaai ae rau, naako nakon te tabo n tango boki n am tabo ke te titoa ni boki ao uaia n taratarai booki.
-
Ngkana ko maeka n te aba ae bati te tino iai, karaoa te aomata man te tino ae katamaroaki. Ngkana ko maeka irarikin te bike, karaoa ana auti te toka n te tano. Ke katei kaka teuana aika a kakaokoro, ao karaoa te kabo ae tauaki bwiia irouia aomata n raka aika a rirarikimi.