Kamanoan te Koaua
Ko a tia ni bwabwaina te nangoa ni bai? Tabeua nangoa ni bai a katana baim ngkana ko mwakuri. Tabeua nangoa ni bai a kabuea baim. Te aekaki are teuana e bwainaki n tain te takakaro. N te waaki aei ko kona ni karaoa oin “kamanoan am koaua” ni buokiko ni kauringi nimaua iteran am koaua.
Te koaua bon te kakoaua n tamnei ibukin koauan te euangkerio are ti anganaki iroun te Tamnei ae e Raoiroi. Iai bwai aika a rangi ni kakawaki ni iteran ara koaua. Ngkana iai nanom ni kan kakoauai bwai akanne, am onimaki e kona n rikirake nakon te atatai bwa a bon koaua.
AU KOAUA
-
I ataia bwa te Atua bon Tamara are i Karawa ao E tangirira.
-
I ataia bwa Natina , Iesu Kristo bon ara Tia Kamaiu ao te Tia Kabooira
-
I ataia bwa Iotebwa Timiti bon ana burabeti te Atua. E a tia ni kaoka ana euangkerio Iesu Kristo nakon te aonaaba ao e a tia n raira Ana Boki Moomon man mwaakan te Atua.
-
I ataia bwa Ana Ekaretia Iesu Kristo Ibukia Aomata Aika Itiaki ni Boong Aika Kaitira bon ana Ekaretia te Uea iaon te aba n te bong aei.
-
I ataia bwa te Ekaretia aio e kairaki iroun te burabeti ae maiu are e karekei kaotioti.
Kaetieti: Kakaea te nangoa ni bai ae e mainaina.* Kanakoi tamnei aika iaon te iteraniba aei, ao kanimi iaon te beeba ae e matoatoa. Katoka te nangoa ni bai iaona. Ngkai ko taekin nimaua iteran te koaua, teuana imwiin teuana, kanimwa te tamnei nakon te nangoa ni bai ni moanna man te waebua. Ko kona ni kanim tamnei nakon te nangoa ni bai ni kabongana te bwai ni kabaebae ae te nairoon, te teibi, te kanim, te biin, te karebwe, ke te kora.
Ngkai ko karikirakea am koaua, tai maaku n tibwauaia. Ngkana ko anga am koaua, ko kona ni kamanenai mwakoro n taeka n aron “I kakoaua bwa … ” ke “I ataia bwa … ” Am koaua e na rikirake ni matoatoa ngkana ko tibwauaia ma tabeman.