Ikotakin Riki Tibwauan Tain Iango, Okitobwa 2008

¤Aikai iaana bon ikotakin riki iango aika a kona ni kabonganai taan kairiiri n te Moan Rinan ma Tibwauan te Tai ake a koreaki inanon te Okitobwa 2008 Riaona. Ibukin te reirei, kaetieti, ao mwakuri ni kakukurei aika a bootau ma iango aikai, nora “I Will Be His Servant” iaon iteraniba R4 ao R5 n aia mwakoro ataei n te maekatiin aei.

1. Imwain tibwauan te tai, karekei bannaia ae ngkai te Moan Beretitentii ao te Kooram n te

   Tengaun ma Uoman n Abotoro. Katukui iaon te burakibooti ke iaon te raubaba ae mainaina. Karaoi mwakorokoron araia, ao katukui irarikin nako te burakibooti.

   Moanna n tuangiia ataei ni katomatoma araia te Moan Beretitentii ao te Kooram n te Tengaun ma Uoman Abotoro ma bannaia. Buokiia ataei ni katukui banna n etina n aron te wewete ao te maan.

   Man te maungatabu ae tabangaki ae ngkai naba ke man maekatiin tabeua n te Riaona, rinei taian taetae man te Moan Beretitentii ao te Kooram n te Tengaun ma Uoman ake a katuruturua te mwakuri. Tibwauai rongorongo aikai, ao kakarabwakauakini aanga are a na kona ataei ni karaoi man tera are a reirei iai ni buokiia ngkana a mwakuri ibukiia tabemwaang. Nakon Doctrine and Convenants 4:2 ni kauringiia ataei bwa ti mwakuri ma nanora, marurungira, ara iango ao korakorara. Anenea te anene ke anene n taromauri ibukiia burabeti. Kaota te kakoaua ibukin te kakabwaia n iai burabeti, taan mamata, ao taan kaotioti, ake a reireiniira n aia taeka ao bannaia ni katooto ni kanga ni mwakuri ibukin temanna ma temanna.

2. Koreia iaon te burakibooti mai ieta: “Ibukina bwa a mwakuri tabeman ibukiu, I tangiria naba ni mwakuri.” Kaoia ataei bwa a na anenei anene ni ukoukora bwa antai ae e mwakuri ibukiia. Rimwi kaaneneia n anene ao kuna n Taromauri ibukin te Tia Kamaiu, burabeti, utu, raao, ao tabeman riki. Karaoa te rinan n ara irouia naake a mwaneweaki n anene ke kuna n Taromauri iaan te mwakoro n taeka Because others serve me.

   Kabotaua Docttrine and Covenants 4:2 ao 59:5. Buokiia ataei ni kakaei taeka aikai te nano, marurung, iango, ao korakora ae reke ni koroboki aika tabu akanne. Katerea bwa ti riai n tangira ao ni mwakuri ibukin Tamara are i Karawa ao tabeman ma te nano, marurung, iango ao te korakora. Katauraoi bwaai n reirei aika a riai ibukiia ataei ni katabwanina te katinetine n te iteraniba R4.

   Ngkana a tabwanin taian katinetine, kaoia ataei n anenei anene ni kakaei aanga are a na kona ni mwakuri. Imwina anenei anene ke anene n Taromauri ibukin te mwakuri. Korei taian kaeka ake a kunei n anene ke anene n Taromauri iaan te mwakoro n taeka I too want to serve. Kaota kakoauan te kakabwaia are e roko man te mwakuri ibukiia tabeman ao mai irouia tabeman ni mwakuri ibukim.