Tibwauaan Te Tai
N na Riki Bwa Ana Tia Beku
Te koraki ake a tabe ni karaoa te beku ibukin te Atua a riai n taraia bwa a na beku Ibukina ma nanoia ni kabane, marurungiia, iango, ao korakoraia, bwa a na tei n aki bukinaki imatan te Atua n te kabanea ni bong (tara D&C 4:2).
Amon, aia mitinare Nibwaite ae e tamaroa, e nako abaia Remwanaite n “taekinna nakoia ana taeka te Atua “ (Aramwa 17:12). Ngke e rin Amon n abaia, a kabaea Remwanaite ao n uotia nakon te uea. E titirakina Amon te uea ngkana e kan maeka n abaia. E titiraki Amon nakon te uea ngkana e kona n reke bwa ana toro.
E beku Amon iroun te uea ma nanona ni kabane, marurungina, ana iango, ao korakorana. E kaota ana tangira nakoia aomata. E kamanena korakorana n kamanoia ana tibu te uea ao ana toro. E kamanena ana iango n reiakina te euangkerio ao n tibwauaia ma te uea. E kamanena korakorana bwa e na nene ao ni matoatoa ni maiuakina te euangkerio. (Tara Aramwa 17–18.)
Taekan anenen te Moanrinan “I Will Be Valiant” (Children’s Songbook,162) e kauringiira bwa ti na riki n aron Amon.
Te Uea e tangiriia tooro aika ninikoria,
Ni karaoi a na mwakuri ni boong aika kaitira,
Naake a irii ana reirei Iesu,
Ao ni beku nakoia n te kawai n tangira.
Ti kona n reiakina te beku ibukiia tabemwaang n aron Amon. Ti kona ni kaota ara tangira nakoia te koraki ake irarikira, ai moara riki ara utu ao raoraora. Ti kona ni kamanena korakorara ni karaoi mwakuri aika a tamaroa, n aron te akoi ke ni ibuobuoki. Ti kona ni kamanenai ara iango n reiakinan te euangkerio ni warekan booki aika tabu ao n ongora nakoia ara karo ao taan reirei. Ti kona n rineia bwa ti na nene ao ni matoatoa ni karaoan te bwai ae e eti.
N na riki bwa ana toro
Ao ni kawakin au berita ma te ninikoria
N na tei ibukin te koaua. N na tei ibukin te eti
Te Uea e kona ni katan irou
Te Bwai ae e na Karaoaki
Korei taian mronron aika a wai, kanim n te kuru ni kabane akuna-nakon-akuna. Korei aua taian baoki aika a reketangko (rectangular) rukumi nakon iterana, ao kanim n te kuru akuia ni kabane ni karekea te tikuea. Korea te mronron ieta ibukin te tarebon kabwangabwanga n aron are e atia ni kaotaki. Kanimmwa te tamnei ke korea tamneim n te mronron are e wai. Karaoa te bwangabwanga i etan te tamnei are e wai ni katoai tikuea ake aua. Kamanena te kora ke te karai ni katia te tareboon. Katinea te tareboon ike e na kona ni kauringko iai bwa ko na beku ibukin te Uea ao ibukiia tabemwaang.