Kaati n titiraki ao kaati Ibukin Kakorakorakiia Kairake

E a tia Tamara are i Karawa n tuangiia natina bwa a na tararuai rabwataia. Ti riai ni kang amwarake aika a raraoi, ni kamarurungi rabwatara n taainako, ao ni karekea te matu ae e tau. Ngkana ti karaoi bwai aikai, ti teimatoa ni kainaomataaki man taian waaki aika karetaati tangiran karaoakia ao man kona n tararuai maiura. Ti karekei kakabwaia ni karekean rabwatara ae e marurung, ara iango ae e tatauraoi, ao ana kairiiri te Tamnei ae e Raoiroi.

Te arekoro ao te baake a bon kakamaku nakon rabwatara ao tamneira. A bon kareketaati tangirakia ao a kona n urua rabwatara, a kakerikaaka ara kona ni babaire ao tauan arora, ao ni kauarerekea maiura. Ibukina bwa ti tangiria ni kan kakorakora rabwatara, ara iango, ao ni kateimatoa te maiu n tamnei, ti aki moi n te kobee ke te ii ke ni kabonganai n ae aki riai kamangingin aika a taburoroko ke kemikoro.

E taku teuana mai buakon Tuua ake Tebwina ba e taku Iehova ba e bure ane atonga arana ni bakanrereia, ma ngaia are ti aki toki ni kamanena aran te Atua ao Iesu Kristo n te waaki ae e kaota mimitongina ao karineakina. Te aki karinerine, taetae buaka, ke taetae ke anua aika aki riai, ao ai uaana naba ma manikangare aika a bubuaka a bon kamatauninga nakon te Uea ao aomata.

Arom n taetae e bon kaotiko bwa antai ngkoe. Taetae aika a itiaki man ni wanawana e kaota te itiaki ao te tamaroa ni iango. Ti kabonganai taetae ake a kaungaia ao ni kamoamoaia tabeman bwa ti aonga ni kona ni kakoroa nanon te tua are ti na itangitangiri imarenara. Ti kaungaia raora bwa a na kamanena te taetae ae e itiaki naba.

Te iraorao e rangi n tamaroa, ma te kareke tangira e kona ni kawaekoa ni kairiko nakon waaki aika aki riai, n tiatiana mwaitia roronrikirake ake ko kaitibo ma ngaia, ao e na tuuka reken am tai n rinanon waaki ake a na buokiko ni kunea te aomata are ko na mare ma ngaia. Aki bane n tangiria ni kan kareke tangira kairake ke a bon rawa iai. E ngae n anne, ti kona ni karikirakea te iraorao ae e tamaroa inanon roro nako.

Ngkana ti moana ara kareke tangira, ti kareke tangira n te kurubu ke ti airi ni kaiuoman ao ni bairei waaki ni kakukurei aika a tamaroa, aki kabane mwane, ao a buokira ni kinaira raoi. Te ataeinimwaane ao te ataeinaine ake a nako ni kareke tangira a kona ni buokia ni kateimatoai katei aika a raraoi ao ni kawakina karineaia ao aroia aika a tamaroa.

Ti kakoaua bwa Iesu Kristo bon Natin te Atua ao te tia Karikibwai. Ngke e mena Iesu iaon te aba, E waakina te maiu ae e tamaroa ao n reirei n te taeka ao te katooto bwa ti na kanga ni maeka ni kabane n te tangira. Ti kakoaua bwa man rinanon Ana Mwakuri ni Kamaiu Kristo, ti bane ni kona ni kamaiuaki man ara bure ngkana ti Iriiria.

Ni katoa te wiiki n te taromauri ngkana ti kana te toa, ti kabooua ara berita bwa ti aki toki n Uringnga ao ni kawakin Ana tua nako.

Ti tangira Iesu Kristo. Ti taromauria Iesu Kristo. Bon ngaia ara Tia Kamaiu ao te Tia Kabooi Maiura.