MARURUNGIN RAOI TE RABWATA
Kawakina Tuan te Mauri. Kang amwarake aika a baeranti, kakamwakuri n angiin te tai, ao karekea te matu ae tau. Tai kabonganai kamanging aika a korakora, arekoro, koobe, te ii, ao bwaai aika a karaoaki man te baake. Tai kabonganai n aki akaaka bwai ni katoki aoraki ke n riaon mwaitin taian bwainnaoraki.
Kateimatoaan marurungin rabwatam e na buokiko ni katoka te taonaki n rawawatan te maiu. Ngkana ti ongeaba nakon Tuan te Itiaki, e berita Tamara are i Karawa nakoira taian kakabwaia aika tamaroa:
“Ao ni kabane aika itiaki ake a uringnga ni kateimatoa ao ni karaoi bwaai aika a taekinaki aikai, te nakonako inanon te ongeaba nakon tuua, a na karekei marurungiia inanoia ao te korakora n riia;
“Ao a na kunea te wanawana ao kaubwai aika korakora n te ataibwai, ao riki kaubwai aika karabaaki;
“A na biri ao a na aki kua ao a na nakonako ao a na aki tong.
“Ao e anganiia te Uea te berita, bwa a na boriaoaki irouia anera ake a na urubwai, n aroia natin Iteraera, ao n aki kamateia. (tara D&C 89:18–21).