Te Koaua nakon te Onimaki: Anganano Iango aika Bebete nakon Moan Tua n te Euangkerio

Donna Heßling, man te Mwaanga ae Münster, Dortmund Germany Titeiki, e kabongana Te Koaua nakon te Onimaki bwa e na karekea te atatai riki ae rabaaba iaon te Ekaretia ae kaokaki ao ana reirei.

“Rongorongo ake a koreaki a rangi ni mataata ao ma ni korakora, ao e a tia ni karababa ao ni kamatoatoa au koaua te atuniango n tatabeua nako ni koauan ana Ekaretia Iesu Kristo Ibukiia Aika Itiaki Ni Boong Aika Kaitira,” e taku Sister Heßling.

Tao e nakon 170 rongorongo ake a koreaki inanon Te Koaua nakon te Onimaki iaon atuniango aika a karinanaki n te man ni koroboki ae moanaki mai moana nakon tokina man te Nakoanibonga ae te Aaron nakon Tion. Ni ikotaki riki nakon te reirei iaon moan tuua n te euangkerio n te anga ae beebete, te rongorongo ae koreaki n tatabeua nako e kakanoa n taeka man booki aika tabu ibukin te kamatebwai riki n te atuniango nako.

Mark Ellison ma ana utu, mai Saratoga Springs, Utah, USA, e kakabongana n angin te tai Te Koaua nakon te Onimaki ni kaatua ana iango iaon te atuniango inanon kamatebwaian te euangkerio ni mweengana.

“Ngkana a taetae ni kawai ara ataei n tain bootakin te utu n te tairiki man te angareirei, a na rinea te atuniango teuana ao ma ni kabongana Te Koaua nakon te Koaua ibukin te kauarereke ae tamaroa,” e taekinna Tari Ellison. “N tabetai ti rinea te atuniango ao n tuangiia kaain te utu n tatabemaniia nako bwa a na anga teuana te bwai ae a ataia iaon te atuniango. Imwiina ti a nakon Te Koaua nakon te Onimaki ao n nooria bwa tera ae e taekinaki ikekei, ao tera ae ti a tia n tarariaoia.”

Te okoro imarenan aia ririki natina bon man te ririki 7 nakon 18, ma ni karokoa ngkai e taekinna Tari Ellison bwa Te Koaua nakon te Onimaki e karekei rongorongo ake a na aitara ma kakaongoraan ao rietan ana atatai te euangkerio ibukiia kaain ana utu n tatabemaniia nako.

“E bebete ma e kakanoa n taian rongorongo aika a rangi ni kakaawaki,” e taekinna Tari Ellison. “I taku bwa au utu a bon ataia raoi bwa bon te bwai n reirei n te euangkerio ae a kona n nako iai ngkana iai aia titiraki ke ni kainnanoa te katauraoi nakon te angareirei ke n tibwaua aia reirei iaon te atuniango teuana.”

Rinanon 2007, Jake Mckell ae 17-ana-ririki n te ka-21 n Uoote ae te Grandview, Provo Utah Grandview Titeiki (USA), ngaia ma raona ao ana taan kairiiri, a iri n teuana te kakaewenako ae karaoaki iroun aia bitiobi bwa a na wareka Te Koaua nakon te Onimaki man baan tinanikuna nakon tinanikuna inanon te ririki. E taekinna David Tueller, te beretitenti n te Bootaki n Ataeinimwaane, bwa te uoote e noora te mwakuri ae tamaroa nakon Te Koaua nakon te Onimaki.

“Bon te kakabwaia ae raoiroi warekan te reirei ae reireiaki inanon te boki anne n te anga ae e kaineti, e itiaki, ao e kai-oota,” e taku Tari Tueller. “Inanon te uoote e a raka riki ataakin korakoran ao kabonganaan te boki anne ibukin te taetae, te kamatebwai ni koroboki aika tabu ibon iroum, ao te ibuobuoki n tibwauaan te euangkerio ma tabeman.”

N te Mwaanga ae Allentown, Reading Pennsylvania Titeiki (USA), Tracy Norton, te beretitenti n te Bootaki n Ataeinaine, ao ataeinaine aika kairake n ana uoote a kabongana Te Koaua nakon te Onimaki n tain kamatebwaian Taekan te Onimaki, te mwakuri ae baireaki are a kantaningaia bwa e na anganiia te nanomatoa n tibwauaan te euangkerio man te ataibwai ae bwanin riki iaon ana koaua ma ana moan kantaninga te Ekaretia.

“I kataia ni kabongana Te Koaua nakon te Onimaki ibukin au reirei n aron kabatiaana riki ao ni kaungaia ataeinaine bwa a na kabongana ma aia titiraki,” e taekinna Sister Norton. “Te Koaua nakon te Onimaki e rinanoi atuniango aika bati n irekereke nakon taian kaiangatoa ake a kaitara ma ngaai te roronrikirake ao n anga anuan te Ekaretia nakoia atuniango aikai ao ake a kakaawaki ake tabeua. I koaua raoi bwa e kakaawaki bwa e na kabwarabwaraki nnena ae kuneaki iai ibukin taian reke.”

E kakoaua Sister Norton bwa ibukina bwa a kona n katuruturua te atuniango n tatabeua nako, ataeinaine ake e reireiniia a kona n kai ota n te moan tua nako.

“E ibuobuoki ni karikirakea au atatai n te euangkerio ao ni buokai ni karekea au koaua ae matoatoa kabonganaan Te Koaua nakon te Onimaki,” e taekinna Genesis Felix ae 14 ana ririki, kaain te Mwaanga ae te Allentown. “I kawakina te boki ma au boki aika tabu ngkai ao ni kabatia kabonganaana n taratarai atuniango nako ake I aki rangi ni bati n oota iai.”

Warekan, reiakinan, ao imwiina maiuakinan te euangkerio e a tia n riki bwa te waaki ae kinaaki ibukin Daniel Jauslin man te Pratteln Uoote, Bern Switzerland Titeiki, are e taku bwa Te Koaua nakon te Onimaki bon teuana mai ibuakon ana boki ae maamate nanona iai.

“I a tia ni kunea te boki bwa e rangi ni ibuobuoki,” e taekinna Tari Jauslin. “Ko warekia, ao ko karekea ke ni kakorakora am koaua n te bwai are e taekinna, ao ko karekea te bwai teuana mai iai. Bon te tia raoniko bwa ko na kanga ni maiuakina te euangkerio.”

N aron te katooto, Tari Jauslin e taekina te mwakoro teuana man koroboki aika tabu ao te reirei bwa a na kamatebwaiaki iroun temanna ao ma kaain te utu.

“I ataia bwa warekan booki aika tabu ni katoa bong e kona n matoatoa nakoia kaain te Ekaretia aika bati ni kabuta te aonaaba, ma e tuangiira…Te Koaua nakon te Onimaki bwa ti kainnanoia bwa ti na karaoia ni katoa bong, ti tangiria ni karaoa ara baaire, ao ti kainnanoia bwa ti na teimatoa ni kakaei nanon nako bwaai ake ti wareki,” e taku.

Legrand Laing, te tia reirei n te tieminari i Springville, Utah, USA, e taku bwa e a tia n noora Te Koaua nakon te Onimaki ni karaoa te tabe ae moan te uaana ni buokaia aomata nako n reiakina ao imwiina ni maiuakina te euangkerio inanon maiuiia

“E anga reirei ao kaunganano Te Koaua nakon te Onimaki iaon maiuakinan te maiu ae bwainaki n reirein ao moan tuua aika a reireiaki,” e taku Tari Laing. “E koaua raoi bwa aio e kona ni kuneaki ni bwaai n reirei ake tabeua ake a karaoaki man te Ekaretia ao ake bon inanon booki aika tabu, ma Te Koaua nakon te Onimaki e karekei bwaai aikai bwa a na tauraoi, ma ni bebete, ao ni mataata raoi—ni kabane n teuana te tabo.“

N te Te Koaua nakon te Onimaki 2004 e riki bwa te mwakoro ae bwainaki raoi n aia auti n tangoboki mitinare, ngaia ma Tataekina Au Euangkerio

“N tain kabwarabwaraan Tataekina Au Euangkerio, e kamatoaki bwa aia auti n tangoboki mitinare anne e riai ni kabebeteaki ao ni karokoaki n te ataibwai,” e taekinna Greg Droubay man te Bootaki ni Mwakuri ni Mitinare n te Ekaretia. “E rineaki Te Koaua nakon te Onimaki bwa te boki ni kairi ae bebete, kimototo, ma ni bebete-aron-kabonganaana are e kona ni buoka te mitinare n ana tai ni kamatebwaia te euangkerio teuanne ke neienne.”

Ngkai e kateretereaki Te Koaua nakon te Onimaki bwa te kauoua ni bwai n reirei nakon booki aika tabu ao Tataekina Au Euangkerio, a tia ni kunea mitinare ni kabuta te aonaaba bwa e rangi ni bongana ibukin kamatebwaian ao tibwauaan te euangkerio.

“N au tai ni mwakuri ni mitinare I aki toki ni kabongana Te Koaua nakon te Onimaki ni kamatebwai ibukin au taetae ke au reirei nako,” e taku Paul Epperson mai Woodbridge, Virginia, USA, are e mwakuri bwa te mitinare n te Belgium Brussels/Netherlands mition. “E anga te moan waaki ae korakora Tataekina Au Euangkerio ni kamatebwaian atuniango, ma I tara naba Te Koaua nakon te Onimaki ibukin kabwarabwaraana riki tabeua, ma e teimatoa ni bebete, taian kabwarabwara nako n aekan nako taeka aika kabonganaaki ao iango.”

E a tia naba ni kunea nnena te Te Koaua nakon te Onimaki inanon taian boki n reirei irouia ataein te reirei n te intitute ao te taekan te aro.

“Ti bon reitaanako kaboouan booki n reirei n te intitute ao te tieminari ao ti kakoaua bwa Te Koaua nakon te Onimaki bon te bwai ni ibuobuoki ae te kabanea n tamaroa ibukina bwa e aki ti tia ni kariaiakaki ma e a tia naba ni uotakirake ao e rangi ni kai reke,” e taku Brian Garner, te manatia ibukin karikirum n ana kuura n reirei te Ekaretia.

Ngkai booki n reirei ake a kabonganaaki ibukin te intitute ao te taekan te aro a uaia ni kabotakaki, e taekinna Tari Garner bwa teuana te bwai ni wakinan ana mwakuri te tia koroboki bon te katuruturu ni katomimia te aonaaba—karikan te bwai ae na kona temanna ni kunea ao n rairaki nako iai.

“A kuri ni bane aomata nako aika a tia n reke irouia Te Koaua nakon te Onimaki,” e taku. “A kona aomata n nora te bwai ni kairi, n rairaki nakon te boki, ao ni wareka te rongorongo. E kai reke ao e rangi n onimakinaki.”

E boretiaki Te Koaua nakon te Onimaki inanon 46 taian taetae, n roko irouia kaain te Ekaretia mai Spain nako Finland nako Cambodia. A tauraoi n reke taian katooto rinanon ana tabo n tibwatibwa te Ekaretia n te ldscatalog.com ke rinanoia taan kairiiri n te nakoanibonga n te aba. E kona n anaaki Taetaena ni Imatang man te lds.org man rinean Gospel Library, Media Formats, PDF, ao imwiina rineakin True to the Faith.

Ngkai e manikangare Bishop Lund ngke e taekinna bwa e tangira Te Koaua nakon te Onimaki bwa e na kanimwaki nako akuun booki aika a kariaiakaki, e bon nanomatoa bwa te bwai n reirei e kona ni kabonganaaki n aanga aika mwaiti ao n anga te bwai teuana ibukin aia titiraki ke aia tabeka aomata nako.

“Te bwabetito, karekean te nakoanibonga, te kunnikai ae riai, te kabwarabure, te rairannano—a bane ni mena ikekei,” e taku Bishop Lund, ngke e karinanai tabeua man taian atuniango ake a kairaki inanon Te Koaua nakon te Onimaki.

N aron are e taekinaki ni kabwarabwaraana, te Moan Beretitentii e kaantaningaia bwa ngkai kaain te aro a kamatebwaia ao ni maiuakin moan tuua, a na kabongana te bwai n reirei aei ao n reitinako n ukoukora korakoraia.

“Ngkai ko tabe n reiakini koauan te euangkerio, e na rikirake am atatai n ana babaire Tamam are i Karawa ae akea tokina,” a taku. “Ma te atatai aei bwa ai aan maium, ko na kona ni karaoi rinerine aika tamaroa, maeka ma te rau ma ana kaantaninga te Atua, ao ni kunea te kimwareirei ni maium. E na rikirake am koaua. Ko na teimatoa ni koaua nakon te onimaki.”