TE WENENIBURE AE ITIAKI
Kateimatoako bwa ko na itiaki man te wenenibure. Tai karaoa te wenenibure imwaain te mare. Tai irii taetae ni kawai ke waaki ni kakukurei aika a kauekea namakinan te kan wenenibure. Tai karaoa te wenenibure ma raom n aine ke ni mwaane. Ukoukora buokam ngkana ko kabuanibwai n tauaki, ko kabwaroua, ketabeua riki bwainikirinakim man te wenenibure.
“Ni iango nako ibukin bootakin te rabwata, ko riai n tataninga! Ko riai n tataninga ni karokoa ko a kona n anga bwaai ni kabane, ao ko bon aki kona n anga bwaai ni kabane ni karokoa ko a mareaki iaan te tua. Ngkana ko teimatoa ni karaoa te katoki kainnano n te rabwata n akea te kariaia mai karawa, ko a karaoa te urubwai n te waaki n tamnei, te iango ao te namakin are ko urua iai nikauoua am ingainga ibukin bootakin rabwatam ao konabwaim n anga bwaninin nanom ae baabane nakon ana tangira ni koaua, are imwiina. Ko na kunea ma te maroa ae korakora bwa te bwai are ko riai n tararuaia ko a tia ni kabua nako, ao ti ana nanoanga te Atua ae kona ni kaoka te tamaroa are ko anganako ma te aki kuba. Ni bongin am mare te kabanea n tamaroa ni bwai n tangira ae ko kona n angan are raom ae akea tokina bon rabwatam ae te kabanea n tamaroa—ae e itiaki ma ni kororaoi ao e bon tau naba ni karekea boona ae itiaki.”
Unimwaane Jeffrey R. Holland man te Kooram n Abotoro ake Tengaun ma Uoman, “Personal Purity,” Riaona, Okitobwa 2000, 42.